l' grandis'mint del population
par minloute le, 27/12/2010j' su parti d un constat que j' su pas l' seul à avoir vérifié , ché que l' population ale a grandi durant ché derniers 150 ans tout comme l espérance de vie
pour l espérance de vie, ché sur que la population DANS L ENSEMPE ale vit plus longtimps quoique dins mes familes j a vu que chéto dans l ensempe des "carnes" d'puis eune paire ed génération et ché rare des deux cotés du plus loin que j armonte qu au moins eune génération sur deux cha ale pas jusqu à 80 ans ou 90 ans ....
c' qui est vraimint armaquape ché l' taille, pour cha i faut avoir l' chance ou l' curiosité d aller raviser souvint dins ché papiers qu in garte normal'mint aux décés d' chaque génération , comme des cartes d identité , surtout aprés 1900, ou alors meme ché livrets militaires , et là in peut espérer in artrouver d un peu plus ancien
mi dins m' famile,j' comminche avec un grand père né en 1890 i mesuro 1.72 m , min père en 1911 1.78m , mi en 1960 1.86 m, et là j' me diso, min gamin i va faire comme mi, et pourquo qui f'ro pas plus d ailleurs, et ché pour cha qui fait 1.90 m
aprés j' vous diro et ché l' but d' min sujet ,d' em reflexion, j' su un peu inquiet pour not' av'nir , et celui d' nos infants concernant l' durée d' vie ou tout au moins dans les conditions qu in va avoir pour arriver à des zaches canoniques comme souvint des générations qui nous ont précédées
j' mets aussi un bémol à ch' l évolution ed' l ache au sieque dernier , ché d abord les guerres mondiales qui ont fauché du monte, pi aussi pour nous l' mine qu ale in a usé plus d un avant que ch éto normal'mint sin tour pour armonter tout là haut .....
mi c' qui m inquiete VRAIMINT, ché c' qu on minche, j' me faijo l' constat in ces jours d' bombances d' réveillons, d' profusions d'achat, d' mingeailles, que j' a eune pensée pour ché zéboueux qui vont commincher leu tournée aujourd hui que cha va pas et' del' rigolate
et j' vous parle pas du gachis...ché d' ailleurs pour l éviter , pasque bin sur in avo acaté bin trop d' sortes d' nourritures pour ch'te périote, qu in ravisant ché dates su certains alimints qui étotent au frigo que j' m a posé des questions quand meme ...
un paté in croute valape cor durant 15 jours ,(chtilale in va l' garder pour l' venue d' marie claire ) , j avo acaté des tripes à la catalane , pas pour ch' réveillon ,mais j' devo les faire avant , bin ché cor valape jusqu au 15 janvier, des exempes j in a comme cha des tas ...
as' deminder et ché min avis qui do y avoir des trucs pas trop catholiques qu in nous fait ingurgiter, alors ché sur dans la plupart des cas ché pas des morts violentes, mais j' me d'minte si , à p'tits feux , in est pas in train d' polluer not' corps à li donner des edulcorants, des colorants, des agents d' texture et d' saveur, des produits à base d' gelée animale, d' conservateurs, sans parler de scandales qui sont sortis comme sul' vaque folle, ou su ché poulets ..............sans parler d' tout c' qui est transgénique et qui est djà là , ou in train d arriver ...
alors d un aut' coté , i font des progrès au niveau d' la médecine, et j' me dis que ptete d un coté in va nous impoisonner d' plus in plus avec c' qu in minche, et d un aut' coté , in va trouver des solutions pour nous "rafistoler" d' plus in plus pour arriver aux zaches dit d' la sagesse
au final , in aura un capital santé différent, avec plus d' interventions médicales, et tout cha mes gins ,j' pinse que cha va pas cor nous aider à combattre l' trou d' la sécu ...
et comme ché un cerque infini, cha veut dire qu in va nous faire tenir plus longtimps, artificiel'mint, tout cha non pas pour et' in bonne santé pour nouzautes personel'mint, mais pour pouvoir continuer à travailler , jusqu à 80 ans si faut, pour avoir eune artraite à taux plein ..
j' vo d'ichi l' ministe d' la santé nous dire " asteure in peut viffe 110 ans, donc j' trouffe normal qu in arpousse l' artraite d' 2 ans tout cha pour atteinte 80 ans en 2060"
rigolez pas, in s'ra certain'mint plus là pour l' vire , mais j a peur d avoir un tchiot peu raison là d' sus