voeux de nouvelle année

mi personel' mint ché eune périote que j a jamais eu ker....

rap'lez vous quand qu in éto tchiot l' passache al' nouvelle année , meme si yavo un grand arpas l' lend'main à mon d' chez mamatante et qu in avo des dringuelles qui quéyottent d' par un mononque , eune cousine à min père , pi d' autes personnes, chéto quand meme la fin des vagances et surtout d' la formidape périote d' la noel

j' sais bin qu y a cor ché rois maches et qu in va cacher à avoir l' fève , mais bon .....ché comme du raccommodache, du rattrapache, cha avo pu l' meme charme que la noel

nous ché tchiots pour réseumer, in avo ker l' périote d avant la noel toute l attente qui yavo, in essayo d imaginer c' qu in allo avoir, in essayot meme d' tirer ché viers du nez d' nos parints pour savoir quo qu in auro comme cadeau ; d' ailleurs in auro été bin imbétés si i nous l avotent dit ach' momint là d ailleurs
in avo donc ker toute l' périote jusque 2 heures aprés qu in a ouvré ché cadiaux .......... pi aprés chéto eune paire d' jours un peu mi figue mi raisin, in éto quand meme en vagances, mais cha y est Noel ché terminé et faut faire ché devoirs et commincher à pinser à la rentrée

aprés , plus grand, j a jamais compris ché gins qui faisotent la fete in étant très heureux d' canger d année ...

comme j a djà dit , j a compris plus tard quand ché personnes agées qu as' rincontrotent al' nouvelle année et qu in faisio des fricassées d' musiaux, ché personnes agées qui s' imbrassotent , in s' prenant dins les bras et en insistant sur le "bonne année, ET SURTOUT EUNE BONNE SANTE"

ché vrai qu aussi ché zannées ale comminchent à compter , et j' vo , j' su in train d'em dire , que m' manman ale a quand meme grinmint plus vécu, qui n y in reste à faire, alors ché eune périote symboliqu'mint délicate d' canger d année ........

aprés , comme y faijo dire Pagnol dans un d' ses liffes sur es n' enfance " que si y est pas plus à la fin de l année, qu au moins in soit pas moins" , ché l' tout c' qu in peut vous souhaiter à tertoutes et à tertousses, ché d ' avoir eune bonne santé, l' reste aprés in arrive à s in arringer , meme si cette année ale a pas été facile pour tout l' monte, faut garder espoir ....
donc, au nom d' Marie Claire et d' vot' serviteur, j' me permets d' vous présenter nos meilleurs voeux pour ch' t année qui vient, à vous bin sur , mais aussi à tous ceux de votre intourache qui vous sont kers

et j' tiens aussi à passer un salut bien amical, à quéqu un qui nous a invoyé un mail et pour li dire qu in li rinvoie tous nos voeux pour ch' t année qui arriffe et un prompt rétablis'mint

i s' arconnaitra , j in su sur ..........