Lens au timps d'chés gartes des Mines
par kiki le, 30/12/2010Inattendue mes gins eune bien belle image du début du siécle dernier, les gartes des " Mines de Lens" du service de surveillance.
Cha m'rappelle ch'garte des Mines ed Lens à l'cité St Amé au 3 de Lens à Liévin dins les années 50/60 i avot ch'garte des mines qui apportot l' maigre artraite des mines a m' regrettée mémére Clotide, chétot un grand gaillard, costaud, d'abord quind j' l' veillos arriver j'étos toudi dins les cotrons d'maman, j'cros bin qu'un étot tous parels quind un veyot garte arrivé, cha nous armetto un mémoire les tiotes bétisses qu'un avot du faire avant.
Comme i disse d'ssus l'photo, un jour ale prét'ra bin à sourire mes gins et bin ch'est ce qu' j'ai fait et j'voulos vous l'faire partager, commint les treuvez vous mes gins mi, mignons aveuc leus belles moustaches.
Ch'est eune photo d'un Relais d' Janvier 1975 N° 67.
Avec notre amitiés et à l'approche des fêtes ed fin d'année, je vous dis Adé et eune bonne et heureuse Année et pi eune bonne sinté à tertous.
Christian ed Liévin.
( 1 photos)