quand on allo étrenner l' famile
par nounours-94 le, 05/01/2011in général chéto l' diminche après l' nouvel an. mes parints i z'i allotent avec m' tante Louisa et min pinrint René.
assis te ej t'inmène faire l' tournée d'em' famille.
cha quemincho par m'tante Solanche et d'em n'onque Paul rue du Duc Domale, après un détour au cimetière, chéto ché min grand père Arthur rue d' d' l'Observatoire, insuite ché m' tante Margueritte rue d' Bellevue, après un peu pus haut ché m' min mononque Ambroisse.
chéto presque fini mais l'péripe n'éto pas terminé parce qui falo arfaire l' quémin inverse ché t'a dire arpasser dire bonsoir in arpartant. alors imaginez un verre par chi, un verre par là des fos quan min père et min pinrint i z'avotent du vint dins les voiles.
l' diminche d'après chéto ché min mononque Louis rue d'Pont à Vendin au 2.
voila chéto fini i avo pus qu'à attinte l'année suivante pour arquemincher
avant d' terminer ej voudro dire que ché t'eune tradition qui s' perd surtout ché les jones. asteur i invotent un SMS ou autre et basta.
mi aujourd hui j a été étrenné 2 couples d' vigins , pi eune viele mamy qu ale habite in face d' chez mi, eune dame qu ale a eu bin des malheurs dins s' vie mais qui garde bon pied bon eule et qui s' plaint pas ...
ché rare asteure , tout l' monte i s' plaint pour un oui ou un non, elle ale pourro, mais ale reste digne
alors savez, in y a été avec ché tchiotes , les étrenner , in leur apportant à chacun un tchiot pot d' jacinthe
oh ché surtout l' intention qui compte , j' sais que j' leur ai fait tous plaiji, mi cha m' va bien , j' su plus "plaisir d offrir" que "plaisir d' recevoir"
ché aussi pour mi un moyen d' pas oublier ch'te tradition qu in éto bin ancrée dins nos masons y a eune paire d années, et comme diso Nounours , sans s' contenter d un sms ou d eune carte d' voeux virtuelle
rien ne vaut l' contaque humain