ch' calendrier des postes 1

j a d' bons souv'nirs quand chéto l' aute d' facteur, là j'devo avoir 8 10 ans, chtilale ed' facteur m' mère ale l avo ker, d' abord pasqu i éto gintil, toudis un mot gentil, pi cha s' voyo sus' guiffe, i avo cor un visage d' poupon,pi d' bonnes joues roses, et des caveux blonds dont i ram'no ché meches sul' coté comme si i voulo camucher eune calvitie plus que naissante ...
Bref, in li auro mis un bonnet bleu et blanc sus' tiete, i auro pu rimplacher l' Père Magloire sul' couverture du calvados du meme nom, al' differince que min facteur i buvo pas ......
quand qui arrivo , in l' savo , m'mère ale me l avo dit qui passo au soir, d' ailleurs j attindo sin passache in allant m' mette al' farniete del pieche d' devant , chte pieche ale éto pas éclairée et j'pouvo l' vire arriver vu qu au coin del mason y avo un grand lampadaire
quand qui rintro, chéto la fiete al' mason, mi j allo m' coller am' mère pour vire ché differents calendriers qui proposo , i connaisso m' mère, i avo fait s' préselection , des tchiots cats, ou des montanes , zallez dire ché plus que courant que ché gins i choisissent , ché sur, mais ché plus compliqué cha mes gins.................
fallo trouver l' calendrier qu in trouffe l' photo verso aussi belle que l' photo recto, ah ouais ! fallo pas s'précipiter vu que si té raviso pas vraimint té pouvo avoir eune drole d' surprisse l' premier juillet l' jour que t artourno ch' calendrier si t avo pas bin ravisé à l avance ...

mais savez m' mère ale éto pas du genre à cogiter des heures et à faire s'n interessante et à faire perde du temps ach' facteur
j' me souviens qu in a eu dro à des chatons, cha chéto l' majorité, in a eu aussi des paysaches d' montanes , tandis que l' fameusse cousine à min père , Clara, elle , té pouvo toudis aller chez elle, chaque année chéto des ports de peche ou des chalutiers bretons

j' me souviens qu eune année, m' mère ale n avo djà choisi un , et mi j avo ker un calendrier du que d' sus chéto un saint bernard avec sin tonniau autour du cou ...

ch' coup là, m' mère , ale avo acaté les 2 calendriers , et bin j' peux vous dire que l ' amour pour ché cartes et l' géographie , j ' la eu in feuilletant, arfeuilletant , rerefeuillant ché pages du calendrier

y a un momint j' savo cor par coeur les heures et jours des marchés d' saint pol, lillers et hesdin ......

j' preno un crayon d' bo et j' parcouro les rues des plans qui yavo à l interieur du calendrier : Arras, Calais, Béthune, Boulone .......
j' raviso du qui éto bruay et j' arfaiso l' itinéraire qu in prenno pour aller jusqu à merlimont, rigolo d' se dire que j' la cor fait hier, non pas sur eune carte en papier , mais sur la vue aérienne du site géoportail .......

cha m a permis aussi d' poser pas mal d' questions à mes parints, qui devotent m expliquer c' que cha voulo dire ché leunes dessinées sul' coté d' chaque mo...pleine leune, premier quartier etc etc .......

j'arrivo am' proj'ter sur ché vagances, in ravisant les heures d' maréee à boulone, pleine mer, basse mer , cha m' permetto djà à pinser à nos vagances sur la cote d opale

j avo ker aussi poser des questions à mes parints, j' leur diso l' nom des villes et des villaches et y devottent m' dire si yavo plus d' 500, 1000 ou 2000 habitants

aprés j' leur poso l' meme question , mais j' voulo savoir si ché villes ou villaches i s' situotent au nord au sute à l est ou à l ouest d' bruay , bruay qui éto min centre du monte alors ..............

en fin d' compte cha m a permis d apprinte d 'façon ludique pas mal d' chosses sur min départemint ....

mais y éto temps pour ch' facteur d' continuer s' tournée, j' me souviens qu i imbrasso m' mère eune fo qu ale y a donné s' dringuelle

ché vrai que chéto pas la meme chosse avec l ' aute facteur qu in a eu aprés ..........

ouais mi cha rappelle surtout , ech'facteur quand qui v'not rapporter chés sous ed' pinsion ed' min père , bin sur y buvot sin tiot pinard et yavot sin pourboire , au sens prope comme au figuré , mais chétot tellemint sympa
el mien ach'teur y apporte min courrier directemint al maison, sans passer par el boite a lettes pourtant y passe ed' vant elle , cha prouf , qu'ach'teur tout au moins pour mi y sont cor tout aussi sympas