ché garnoules l hiver 2

j' vous décris l' attente dins l' frodure d'vant ch' dispensaire , ché gins i s' connaissotent souvint tous, vu que chéto l'dispensaire dech' quartier , chacun i s' saluotent , et dins l' conversation i s' demindottent si chéto pour eune visite ou pour des piqures ....
cha permetto d' vire vraimint l' temps d attinte qu in auro eune fos l' porte ouverte ..
mais j' va y arvenir à cha un peu plus loin ...

quand que j' diso qu 'ché gins i zattindotent dins l' froidure sous ch'pitit préau du dispensaire , j' va pas dire que ché "du Zola" que j' vous fait, mais y avo aussi eune astuce pour faire passer ch'temps et pas avoir trop frod

par conte ché un truc à garder inter nous et jamais raconter à ché garnoules pasque sinan ale vont cor nous critiquer ...

à mon du dispensaire d' la belle au bois , savez pas loin d' la volville, qu in face y avo un coiffeur qui s prénommo Bruno, eune barraque chtilale , et que surtout, d' l aute coté del rue yavo ch' café coiffeur Bultel ........
zavez compris mes gins, in n a qui confiotent leu carnet à un copain, et qui allotent boire ............un café

meme que un coup min père in rintrant d'avoir été au méd'cin i nous zavo raconté ,qui n avo un qui éto parti à mon du café bultel boire du café, mais qui avo pas du in boire qu un , pi que surtout ch' café i devo et' accompagné à chaque coup ...vlà ti pas qui arsort du café, que ché portes du dispensaire ale zétotent ouvertes, i rinte dins l' salle et là y a comminché à pu et' d accord pasque pour li sin carnet i avo pas été mis au bon endroit par sin "collegue" , cha a fait du foin , l' "dragon infirmiere" ale éto pas commote, ale a sorti d' derriere sin bureau, ale li a fait freumer s' gamelle, ale li a sinti s ' n haleine, pi ale a arpris ch' carnet qui éto dins l' pile , ale li a ardonné in li dijant d arvenir l' lend'main , que ch' med'cin i ausculto pas ché gins qui avotent te bu..

cha avo fait un foin, mais l infirmiere ale s éto pas démontée et l aute i avo du artourner as' mason, am' mote y a du dire qui avo djà trop d' monte qui attindotent ...