ch' garache Bondu 1

quand qu in déchindo in ville, mi j avo ker ravisé, meme si m' mère ale me tiraillo l' bras pour avincher, j avo ker raviser dans l' premiere pieche, du qui avo l' fosse à carettes
quand té passo t intindo souvint quéqu un buquer d'sous l' carette, sin collegue souvint i éto resté al' surface , pret à li passer ché zoutils
chéto l' soir que chéto cor plus impressionnant quand té voyo l' leumiere dégagée soul' carette par eune grosse baladeusse

L' odeur du cambouis que j' vous parlo, l' bruit du mécanicien qui buquo su ché pieches, sans oublier chti qui faijo des essais moteur dins ch' garache meme, chéto au temps du qu in s inquiéto pas, ou plutot ché patrons i s inquietotent pas si chéto nocif ou non pour ché poumons

l' fait d' faire ché éssais à l intérieur , cha faijo aussi qu in s intindo pu grinmint , alors ent' ché mécaniciens quand qui zavotent besoin d' quéquosse intre eux , i criotent comme des dératés, pour s' faire intinte , sans parler bin sur du travail du carossier , qui li, s acharno à ardrecher eune portiere in l' martelant comme si y juo del grosse caisse à mon d' ' l' harmonie municipale, un jur d' sainte Cécile ......

in voyo passer un jone in combinaison bleue cor neuffe, so chéto un apprenti, so i v'no tout juste d' commincher, j' le voyo passer in train d' faire rouler sus' base un gros baril d' huile

question bruit in avo dro aussi à des zoutils qui tombottent au sol, comme ché clés anglaisses, in intindo alors raler ch' chef d ateyier

ch' garache d' réparation i éto grand i donno sur l' rue d' paris derriere, qu in vo subreptic'mint quand qu in raviso à l intérieur

souvint j' demindo am' mère d' s' arreter d'vant ch' bureau du garache, vu que dins l' vitrine, au miyeu des boites d' bougies Bosch, et des boites d' phares antibrouillard Marshal, y avo un tourniquet avec des carettes miniatures

chéto un tourniquet avec des carettes miniatures de marque Norev , chaque carette ale éto dans in boitier in plastique assez fragile, mais y avo sul' coté such' socle noir du que l' maquette ale éto fixée, y avo l' modele , la marque et l année d' fabrication del carette
Mais j' savo que chéto pas ichi que j auro pu caresser l' espoir d eune avoir eune, trop cher ichi, nan, quand que m' mère ale m in acato ché quand qu on allo aux nouvelles galeries au cente d' bruay

pour in arvenir aux phares antibrouillard, chéto pas monté sur tous ché modeles , et chéto un lusque, ou plutot eune façon d' frimer d' eus' faire installer des phares antibrouillard, d' préférence d' marque marshall, comme cha t avo dro à ché cache phares blanc, du qu' d' sus té voyo eune tiete d' cat stylisé à coté d un drapeau à damier ......