quo qu in minche à midi?
par minloute le, 21/01/2011in rintrant d' l école au midi, chéto l' eune d' mes premieres questions, j' cro meme que chéto l' premiere question qu' j' poso à am' mère après avoir répondu à ses memes questions rituelles :
" t as bin travaillé ?" , (j allo pas dire l' contraire, cha arriv' ra assez vite quand qui zauront ch' carnet in fin d' mo).........
et aussi " ya du chauffache à l' école?" , alors là j éto bien incapape d' li réponde , j a jamais su dire, à moins qui fasse vraimint fro ou vraimint caud, sans quoi j' savo pas dire quoi.............meme que y a des coups j' diso "ouais y a du chauffache" et pourtant j' pourro pas l' dire
y a meme des coups et cor asteure, t 'em diro "inleffe tin pull i fait trop caud" et ché vrai qu eune fo ch' pull artiré , j avo vraimint l impression d' ete miu, et disez pas que j éto frileux, ché meme pas l' cas
bon allez on arvient au sujet principal, j' poso l' question am' mère "quo ché qu on minche à midi m' man ?" , y a des coups cha m' faijo plaiji, j' bavo à l avinche , et d' autes coups , là j saquo min nez, sortir d' l école, rintrer al' mason pour minger quéquosse que t a pas ker , dur dur
et pas la peine d'dire qu in a pas ker , qu in ming'ro plutot eune tranche d' jambon, j avo dro al' phrase couperet " té va in minger, y a plein d infants qui eux minchent pas"
va dire quéquosse aprés cha ................
l' pire ché quand que m' mère ale dijo "ché du foie " alors là rin qu ale sintir, j' tourno d' l'eule presque, mais rapid'mint j' do avouer que ché un plat qu in voyo pas souvint al' mason
sans parler des rognons que mi j' peux pas sintir , aussi bin au sens prope qu au sens figuré ......
"quo qu in minche ch' midi m'man ?" ? , hé ballochard (ballochard chéto eune expression qu ale imployo cor facil'mint) te sait pas quel jur in est ? t'eut souvient pas d' c'que j a fait hier et qu' té té posé des questions ?
Mi j'mé rappelle qu'y avot in n'expression quand el sirène ed ché pompiers ed Bruay al sonnot à midi.
In dijot "y'est midi, midi pas d'soupe" ch'sais pas si chéto in n'expression familiale ou qu'y étot courante.
ché vrai que ch'momint là , vers 12 h , quand qu in sorto d' l école et qu in rintro à mason, in intindo ché sirénes