Bruay ou Labuissiere 1
par minloute le, 23/01/2011mi d' abord in lisant l' titre du sujet précédent, j' pinso que cha parlo du fait qui a des gins qui écriffent Labuissiere, d' autes Labussiere, d' autes incore La Buissiere
in tout cas mes gins , et cha j' m in souviens d'eune visite qu in avo fait al' salle des fetes d' Bruay sur la région aux temps d avant les mines, que Labuissiere devo sin nom au fait qui devo y avoir du buis dins ch' coin là
Aprés avoir lu l' sujet précédent,j'a vu que chéto pas l' fond du sujet
Permettez me d'donner min avis sul' sujet , ché pas pour faire eune batale digne d' Clochemerle pour autant .....
l' vision que j' avo d' Labussiere (mi j' l écris comme in l' dijo à l époque) ché que chéto un tchiot villache sans grand interet , qui vivo à l ombre d' Bruay, alors grante plate forme avec Auchel et Marles à l'ouest du bassin minier
Labussiere chéto anachronique pour mi, à part bin sur ch' coron del cité des sports , pas loin dech' bo, pi pour sin stade qu in in intindo les rumeurs l' diminche aprés midi quand que ch' vint i v'no du nord ............
à part cha sin chateau , qu in dijo qu' un roi de france i auro dormi là, ses cours d' tennis dins l 'esplanate qui meno au dit chateau................des rues cor pavées qui menotent à l' églisse , ch' bon charcutier pas loin d' la salle des fetes ...
voilà t avo fait l' tour
Labussiere, tchiot villache , comme épargné , exclu d' l activité miniere, situé sul' route qui passo par Hesdigneul pour arriver à Béthune
sans faire un cours d' géographie, ch' bassin minier i s' rétrécisso in largeur depuis la ville de Lens, pour s' étrangler au niveau d' Bruay, (car ed chaque coté d' la ville chéto des villaches cor agricoles) , pour s' terminer en avant poste par Calonne Ricouart , Auchel et Marles ......
cha ché l' point d' vue géographique j allo dire .....
aux temps anciens d'avant l' exploitation minière, le centre d' bruay et l' centre d' labussiere i zétotent aussi éloignés les uns des autes qu asteur Labussiere et Hesdigneul
intertemps, y a eu l' formidape révolution miniere, l'construction des puits , pi des corons qui les zintourottent, un flot humain de personnes venant des quat' coins du départemint sans oublier la belgique et le départemint du nord
in pourro presque comparer cha à la conquete d' l ouest,tel' mint l' paysache y a été chamboulé en moins d' 50 ans
j' a plaiji à m imaginer commint ché cinsiers d' l époque, de tous ceux qui habitent le futur bassin minier, i zont vécu l' chamboul' mint d'leu région .....