l' porte Nord

ché bien gentil l' porte Nord surtout début d' mos quand ché gins i s' bousculent avec leurs carettes pour faire leurs courses et acater tout et n'importe quoi. j'in rajouterai pas plusse pour n'pas faire débat. in tout cas mi les grantes surfaces j'i met pus les pieds i a eune tiote supérette in bas d'em tour.si,si,cha existe incor et ché pas granmint pus ker qu'ailleurs pour nous deux cha nous suffit largemint.
et cha nous évite d' faire la queue comme j'ai horreur d' cha, cha qué bien.
s' quej vient d'écrire la ché m' prope opinion après tout chacun fait s'qui veut avec ses sous!! mais l' 15 du mos min banquier m' phone jamais pour m' deminder pourquoi s' sus à découvert

mi j a 2 souv'nirs d' la cafétéria d' à mon Cora

un coup in y a été y avo un monte, un monte...des gosses partout, et j' do dire, chéto un peu "tuyau d' poele" , in éto mercredi , ché sur , mais in m a précisé que chéto ch' premier mercredi du mois, alors cha expliquo en grante partie l' affluence vraimint nombreusse

pi un aut' coup , que j avo vu "l' manéche" d un viu monsieu, qui s éto assis tout seu , avec un café à eune tape, mais in voyo qui éto un peu à l affut, et dès qui a eune famile qu ale s' est l' vée d' tape, i s a l' vé commint vous dire, ni trop lent'mint, ni trop vite, i s a gliché al' tape , et y a fini d' minger ché plats
j' avoue que j a détourné la tete, pour que nos r'gards i s' croisent te pas, pas que j' l auro toisé, mais j aurais été malheureux qui "ait vu que j avo vu" ....

asteure j in fais pas des généralités, nous quand qu on arvient in armarque certaines chosses que ché gins qui viffent ichi in permanence i voyent te pas comme nous