si in peut éclairer m'lanterne

Tout d'abord merci à Minloute d'em classer les commerces ed bruay année 1970 à la suite l'un l'aute d'in l'section la vie quotidienne. J'in su arriver al lette R et j'va continuer bin sur.
In fajant el liste y'a un truc qui ma interloqué. J'ai vu REMBERT-ROUMIEUX 10 rue Anatole France "Fabrique de gauffres". Qui s'rappelle ed cha ???
Pi y'a aussi el boulangerie RYSKA au n° 3 qui existe toudis. Ché marqué Boulangerie "Café". J'mé rappelle point qu'cha a été un café. A moins qu'ech débit d'toubac qui li fait café, y'éto in continu avec al boulangerie. Allez mes gins, à vous mémoires, surtout pour el fabrique ed gauffres...

bonjour Boxerman. l' bureau d' toubac qui avo à côté d'mo Riska chéto à mo Candelier , i vindo aussi des journaux et des magazines. asteur ché un bar tabac.
in peut pus bas i avo l'épicerie Saléta, l' boucherie Vasseur, un magasin d' godasses, dins l'rinfoncemint d'el rue i avo un coiffeur, à côté ch' café Bouton , ch' magsin d' meupes Plouviez, un cabinet dentaire, ché pompes funèpes et un café qui vindo des pièches détachées pour ché mobylettes.
j'ai peut ete pas mis tous ché commerces dins l' bon ordre et suremint oublié queques uns i in a bien un du 3 qui rectifira.
j'avo oublié ech' café l'Tourbillon in indrot fort peu recommandape.
voilà j'espère t'avoir rafraîchi la mémoire.
à+

concernant l' fabrique d' gaufres , j a d'mindé à ma mamatante , ale a "quequ' printemps" et j' espère qu ale va s' in souv'nir

El boulangerie au coin del rue Victor Hugo,et del rue des Agaches,al existe toudis, mais ed' pi quique années Ryska y a cédé sin commerce, acht'heure ché boulangerie MORTIER,y passe cor tous les matins avec es' camionette din chez corons,in l'occurence el rue ed Béthune.
Pour s'qui est du café tabac, à côté, y est fermé depuis octobre,mais doit rouvrir sous peu, la Licence tabac a été rattrapée de justesse. Donc el marchand ed toubac, étant tout seul din'l coin y a toudis du monde ach't'heure, ché din el rue Basly, in face d'ED

el tabac rue Basly ché anciennemint Léturgie et insuite Druelle après j'en sais pus cha fait 39 ans que j'ai quitté Bruay

Druelle i a eu l'dée d'vinte des 45 tours s'qui éto pratique cha nous évito d'aller à mo Huet ou ale grand route (rue d' la République)

Merci mes gins pour tous les renseignemints mais m'question al étot plus spécialmint sur el fabrique ed gauffres REMBERT-ROUMIEUX 10 rue Anatole France, comme ché inscrit d'in l'annuaire ed 1970. In ravisant sur MAPS avec Street-View ch't'adresse correspond al maijon à côté dech marchand d'vélos "PREUSS" in haut d'el cote des grands bureaux. ché l'maijon à côté d'ech l'escalier pour aller d'in l'cité des électriciens. Mi, j'mé rappelle que là y'avot bin in n'boulangerie, même qui faijot des pétits pains au chocolat bien feultés avec 2 barres ed chocolat ed din.
Din les années 70 j'passot des prospectus avec min grand père (pour CéDiCo) d'in ch'secteur là et j'ai jamais vu in n'fabrique ed gauffes.
Y'a bin quelqu'un qui s'in rappelle vin dé dious ??? Y'a pas un Daniel POQUET qui traine d'in l'coin ???

Bonjour à tous , boxerman me fais réagir il y a bientôt 3 mois que je n’ai pas écrit un mot, un gros coup de barre.
Rue Victor Hugo à coté du tabac Candelier il y avait bien un café le tenancier monsieur Dubromel l’enseigne était « La Plume D’Acier » avec un siège colombophile dont le Président Monsieur Verquin Vice Président Mr Bouchind’homme § Brunet Secrétaire Mr Pruvost Trésorier Mr Lefebvre C’était dans les années 1950 .
Le Café fut cédé a Monsieur Riska en qu’elle année il a du garder la licence et continuer le café ? ensuite la boulangerie fut cédé a Mr et Mme Mortier il y a bien une dizaine d’année ? Bien cordialement

pour l' fameusse fabrique d' gauffres, j a d' mindé à ma matante qui a habité rue anatole france de 1924 à 1972, ale a jamais intindu parler d eune fabrique d' gauffres, ale m a parlé d eune boulangerie patisserie mais pas d' fabrique à l horizon...

un r'vénant
Ch'savot bin que Daniel y'allot arfaire surface. Bin sur t'a passé une sacré épreufe mais t'as toudis et t'plache sur ech site. J'cros qu'y a pas gramint d'monte qui va m'contredire. Asteur, faudro qu'Mado a t'lache la grappe pour que t'é puiche nous ravitailler in rensegnemints divers sur el vie d'tin temps. J'précise bin ed vote temps à ti zotes parce que té pas el l'seul. Té fait partie d'in n'famile, note famile, el famile d'histoire de ch'ti.
Cha ché formidape et merci à Minloute et Marie-Claire par al minme occasion.
Et in ne pinsée aussi à ceussent qui nous lissent mais qui n'écrivent pu. Ar'vénez mes gins, astiquez vos claviers. Faites assurgir vos souvenirs. Même si parfos in s'répète, cha permet à des nouviots d'alimenter et surtout ed s'instruire.

contint d' t'arlire Daniel
bonjour Daniel, ej sus contint té soit arvénu nous rinseigner. ej sais que t'as traversé ti et Mado pas mal d'dures épreuves.
pour celles et ceux qui n' savent i z'ont arpris l'bistrot d' leurs parints inciennemit à mo Guéssinse le "Terminus" in haut d'el rue Basly ché la qu'ej car bleu faiso demi tour sur l' plache d' Marles pour arpatir au cercle. ché eusse qui ont armonté l' ducasse d'el plache avec bal monté.
ej peut vous dire que j'ai pris des sacrées cuites dins leurs bistrots ché la que j'ai appris à juer ale belotte d'comptoir.
té priera l' bonjour à Mado d'em part.
ej pinse qu'ale dot cor s' rap'ler d' mi. sinan t'a qu'a li dire que ché mi qui l'i rameno des posters et affiches publicitaires