''une famille de mineurs à bruay en artois''

ché à raviser sur le site de l' INA, ché un r'portache qui do dater d' la fin des années 50
on y vo la vie d' la famile Flahaut et d' la famile Delmotte qui habitotent la rue d' la comté à ch' momint là

chéto cor du temps des anciens corons, vu qu asteure tout ch' quartier là i a été modifié, l' SOGINORPA, ch' t organisme qui s occupo des log'mints des mineurs
eune mason sur deux ale a été abattue pour met' un pavillon al' plache et surtout faire ché rénovations dans les zautes masons
ché un r'portache vraimint interessant à vire, que vous soyez d' bruay ou pas, ché quand meme la vie quotidienne de ch' t époque là qui est décrite

in arvo des viux corons comme in voyo dins l' temps, des passache d' voyettes, in artrouffe l ambiance d avant , accentué bin sur pasque ch' film y est tourné in noir et blanc ...
l' reportache i est basé d abord sur les départs aux différents postes des zinfants et des pères qui travalent tous à la fosse 4
i a ch' galibot qui comminche tot, sin frère li i s' léve plus tard, ch' vigin d en face li i part cor plus tard , i est abatteur, et Mr Flahaut li, i part l aprés midi , et y est machinisse comme sin frère

ché vrai qu in vo peu d imaches du fond , mais j a bien apprécié

in arvo l' rintrée du carbon avec eune brouette pour aller l' vider dins l' barraque , ch' cuisine sul' cuisiniere à carbon,ch' meme buffet qui trono dans tant d' cuisines

j a été surpris aussi par "l apparence" de Mr Flahaut, i avot 45 ans et à mes ziux d asteure i m in paraisso bin 15 d' plus ...

l' passion des coulons ale est aussi assez bin décrite

ché là qu in s' dit que tout y a bin cangé asteure, faut dire que ché pas si viux qu' cha 50 ans, ché si proche et si loin à la fois ...........

j' mettro aussi un bémol , ché sur le fait que sul' site d' l' INA, in vo qu in estrait du r'portache, et que pour l' vire in intier, faut l acater

mi cha m' gène un peu sul principe que not' mémoire collective ale soit pas accessipe directemint par tout l' monte et que, pour s'informer sur sin passé, in doiffe payer