Charles

chéto un de mes cousins. si j'écris chéto, ché parce qui s'in est allé au paradis des musiciens y a 2 ans. mort trop jone dins des circonstances que j'en dirai pas par respect. ché li qui m'a initié ale guitare. ben ouais pour celles et ceux qui on vu m' vidéo sur facebook avant d'juer du rock j'ai queminché par apprinte l'musette. Charlot comme in l'aplo chéto eune amusette toudis intrin d'faire la bringue.
comme vous etes bien sache ej va vous raconter deux histoires. comme d'habitute asseyez vous mettez vos lunettes et lisez.

un jour, i a eune trentaine d'année d' cha, eune de mes cousines s' marie. ale nous téléphone nous demandant si in n' pouvo pas juer eune paire d' morciaux pour sin mariache. in dit ok.
v'la min cousin qui débarque à m' n'appart' avec s' guitare in répète in tiot peu et nous v'la parti commint qu'in a tout querqué dins l' carette ej m'el deminte incore. l'ampli, deux guitares, les bagaches et mes parints avec tout cha dins eune R5. (ej précise que chéto m' carette mais ché li qui conduiso j'avo pas incor min permis)

cha s' passo à l'ancien café Mayeux rue Paul Daguercart qui est éto situé presque in face du cimetière. au 3
ché été eune soirée et eune nuit formidape au lieu d' juer eune dizaine d' morciaux in a du in juer quatre fos plusse. eune rute fiesta i in a granmint qu'ej matin la i sont arparti avec eune rute prone dont j' faiso parti et bin sur l' cousin in question.
ej va m'arreter eune seconte pour ouvrir eune parenthèse. ché au cour que j'ai connu Isabelle avec laquelle j'ai correspondu et flirté queque temps avec elle.
voilà ché presque la fin d'l'histoire ej dit presque parce qui m'est arrivé un truc bizarre. j'en cro pas ale sorcellerie ou diablerie ou tout l' diape sans train
mais min père et min parint i nous avotent filmé avec leurs caméras super 8 film que j'avo fait retranscrire in VHS. quand on m'a téléphoné pour apprinte s' mort j'ai voulu l'ar raviser. l' cassette ale avo disparue pourtant ale éto ringée à part avec celles d' mes concerts j'ai "artourné" tout l'appart' rien à faire ale a disparue.
peut et qui est v'nu me l'emprinter et qui l' ravisse d' temps in temps la bos in haut

comme promis ej va vous raconter l'deuxième
un cop nous v'la parti à trois in java avec un aute d' mes cousins in a fait l' tournée des bistrots d' Bruay et d'Béthune et i fini l' nuit au hit clupe à Lapugnoy in arvénant in arrivant in haut d'ech' corp du bos i n'a pas vu le stop in a failli s'artreuver dins ch'camp ché m'in cousin qui éto suremint moins inguinse que nous qui li a dit d' freiner. li sans s' démonter i nous dit avec s' n'humour habituelle "ché bizarre d' taleur quand on est passé i éto pas la". cha n' s'a pas arrêté la comme ej dormo ché m' tante in est rintré et on a été arquere des canettes ale cafe.
voila ech cop chi ché fini
juste eune dernière chose chéto un des garchon à Louis et Augustine Facon un des frères à min mononque Paul. ej mets cha pour minloute i saura pourquoi.
quand j'armonte à Bruay et qu'ej vas m'incliner sur s' tombe cha m' fait tout drôle parce qui à eune photo d'li intrin d' juer d'el guitare et inévitablemint les deux histoires qu'ej vient d'écrire armontent ale surface. des bringues avec li si ej queminche à toutes raconter ej va i passer l' journée et ej m' faire "assassiner" par la ligue anti alcoolique.

in a tous des souv'nirs d' camarates décédés cor jone ; j a artrouvé y a pas longtimps un faire part que j avo découpé, Pierre Hoguet , décédé y avo pas 24 ans, y éto chauffeur routier et y a eu un accident mortel en angleterre

chéto un garchon qui avo marqué l' premiere heure dem' premiere rentrée in classe d' maternelle chez Madame Facon, Madame Facon qui éto aidée de Madame Froment

j'me souviens que j avo eu un peu d' mau à accepter que Manman ale m avo laissé avec d autes garchons dem n ache qui avo l air aussi mal à l aisse qu' mi ....pi yavo Pierre Hoguet qui li voulo pas rintrer dins l' classe, j' me souviens que Madame Facon ale le tiro par un bras, et qui voulo rester accroché au bras d' es' mère tout in brayant comme un ébeulé

j' me souviens aussi bin d' li pasqu on li canto "hoguet vive la rose " ......

un aut' gars que cha m avo marqué, chéto un dénommé Porque , ch' gars là j' a un souv'nir d' li bin précis lors d un voyache en angleterre avec l école
in éto en quatrieme au CES ROSTAND, et nous , in quatrieme nous chéto not' premier voyache en angleterre, in faijo anglais deuxieme lanque , et ch' Porque, li éto pas d' not' classe , chéto un "anglais premiere lanque" et j' sais pu pourquoi y avo pas pu aller au voyache précédent, bref , i éto v'nu avec nous
acoutez j' vous parle d' eune histoire qui s' passo dans les années 1974 1975, mais mi qui su eune amusette, j éto tombé sur un sacré concurrent .....
in éto au fond dech' bus, et ch' Porque i nous a fait rire du début à la findu voyache, in racontant d' zhistoires, in s' moquant d' ché profs, in s' moquant des zinglais qu in voyo par l' vite dech' bus , in rotant, ....in in auro piché dans nos maronnes ...
j' me souviens meme qui avo "imballé" eune file del classe, au moins i li avo fait un bécot sul' bouque, et aprés such' batiau , i avo failli li dégobiller d' sus tel'mint que ch' batio i tango ....
sacré souv'nir ,eune sacrée amusette qui est décédé moins d' chinq ans aprés , j' sais pu d' quoi
j' sais pu d' quoi, mais j'avo appris durant que j' servo du pain chez Madame Maréchal, j avo appris que sin grand père chéto un d' nos clients, et j avo d'mindé un coup à Madame Maréchal , d' pouvoir printe eune pausse d' 2 mineutes durant ch' service
j avo attindu qui so servi, et j' éto sorti alors par l' porte d' coté du magasin qui donno sul' porte cochère
j avo rattrapé sin grand père et j y avo présenté mes condoléances, cha l avo touché