Bravo les Bleus ! (les vrais !)
par TIOT RITAL le, 31/01/2011J'ai a passé eine bonne fin d'sémaine d'télé in ravisant des sportifs frinçais faire honneu à leus coleurs
In preume ch'tot les patineux . Un tite pour l'coupe in danse .(j'ai oblié leu nom mais i'ara bin quéqu'un su l'site qui l'dira). Ch'est formidape chu qui font su l'glace alors qu'nous in porrot même pon in faire autant su l'tierre ! Pi ,après les patineux Hommes i z'ont pris les 2 preumes plaches ! I font armonter lon pou vir parel résultat. L'deusse ch'tot quéqu'un qu'in connot bin ,Brian Joubert, qui étot in bas d'l'équelle et qui ,à forche d'ouvrache, est armonté à s'vrai niveau. Bravo à li ! L'preume ch'tot un jonne ed 20 ans ,Florent Amodio, qu'in attindot pon si bin plaché pusqué ch'tot sin preume campionnat à ç'niveau là. Ch'est un infant brésilien adopté pa un coupe frinçais! Queulle belle histoère ! J'busie au bonheu d'ses parints adoptifs , bénache d'avoir fait tant d'sacrifices pou faire ouvrer et toudis ouvrer sur l'glace leu garchon. Et quaind in a proclamé les résultats Brian i'est allé imbrasser sin rival Florent. Ma-gni-fi-que ! Bel ecsimpe d'esprit sportif !
Et dins l'après midi du diminche ,in a vu gangner les Bleus ! Les vrais, ceusses qui luttent ! Ceusses qu'i busient in preume juer pou l'équipe! Les handballeus ! Aveuc bin du mau i z'ont gangné conte chés diapes et danos ! Queulle batalle ! I'a fallu juer eine prolongation !
J'tos gramint bénache d'vir ces sportifs ,patineux et handballeus faire honneu à leu sélection et aussi menme si i n'avote pon gangné j'aros été heureux quaind même !
Non !non ! né m'faites pon comparer chés biaus sportifs à d'aut' Bleus, cha s'rot gâcher min plaisi !