carette , la boucle est bouclée

J' voulo vous parler des carettes, des Matra Simca ... dins l' déchinte del cote del rue anatole france qui mene aux quat' chemins y a eu au moins 2 med'cins qui s' sont succédés, dont ch' dernier j' me souviens qui devo s appeler le Docteur Mille
alors commint vous dire, zallez dire qu' ché bete c'que j' va vous raconter, mais quand que j' passo d'vant s'mason, d'vant s' plaque in cuiffe, j avo un coup d' mindé am' mère pourquo qu in y allo pas, ale m avo dit que nous in allo au méd'cin des mines , (mi j a surtout connu l' docteur Goldenne) , et qu in avo dro au dispensaire

et que nous in avo pas l' dro d aller vire ch' méd'cin là, pasqui fallo payer ....

et mi dans m' tiete, nous in avo des méd'cins gratuits, et li i faijo payer ...chéto pour mi comme un charlatan.......

d' ailleurs j' comprenno pas pourquoi ché gins i zallotent là s' faire soigner et qui devotent payer .........

faut dire que l image d' "charlatan" , ale éto rinforchée par ché carettes qui avo ch' med' cin, j' parle de chti qui éto avant l' Docteur Mille, fallo vire les carettes qui avo et qui garo juste à coté d' sin cabinet

(j' signale à Maurice , intre autres, que quand que j'parle du "cabinet" du méd'cin, ché pas ché ouatères, mais "s' boutique" si té préféres)

i avo comme carette , ch't animal, eune matra simca bagherra , rin que l' nom cha in jette ....

chéto comme eune carette d' course, in plus qui l avo prisse jaune presque fluo, i pouvo pas passer inaperchu, d ailleurs cha devo et' fait pour cha

mi, tchiot, quand que j allo à mon del coopé, in bas d' la rue anatole france
(bin ouais ale avo déménagé, chéto pu ch'tchiot magasin qui éto pas si loin du magasin Willaume, chez Francine comme in dijo, ch' marchand d' vin et d' biere du haut del rue Anatole France )
donc j arviens am' n histoire, quand que j allo à mon del coopé, j ' raviso ch' carette là et mi c' qui m impressionno ,out' la taille basse del carette, chéto que ché phares i zétotent rintrés dins l' carette quand qui roulo pas, chéto dine d un flime d' james bonte

j a mis comme tite ach' l artique, qu in matiere d' carettes, la boucle ale est bouclée
zallez vire min raison'mint
on part y a queque' zannées des tchiotes carettes utilitaires comme l' 4 l fourgonnette, vous m' suivez hein ...
i s' sont aperchu que ché gins i zavotent d' plus in plus ker cha, alors i zont fabriqué y a quequ ' zannées la kangoo, chéto d' l' utilitaire quand meme

pi i zont comminché à n in faire des mini espaces, comme asteure , zavez vu l' évolution du Berlingo Citroen, ché vraimint passé d' l utilitaire, au tchiot monospace

ch' berlingo asteure, ché un tchiot monospace, familial, avec des vites partout pour qu in a eune vision maximum tout partout
d' un aute coté, zavez vu l' folie que ché gins i zont pour ché 4x4 , surtout ceux qui roulent in ville d ailleurs...... mais in a ker cha aussi pour l' style un peu "baroudeur"

asteure zallez faire un artour en arriere, et faire fonctionner vos méninches, et j' arviens d"vant ch' cabinet dech' Docteur d' Bruay, i avo aussi eune Matra Rancho

ceux qui safftent pu à quo cha arsonne qui zalent vire sur l' net , et zallez vire que ché un véhicule au départ utilitaire , qui a été transformé in véhicule d' loisirs, tiens tiens , avec un style un peu baroudeur , tiens tiens ...
et on apprint que ché l ancetre de l' Espace Renault ...

ravisez un Citroen Berlingo, un Range Rover, et un Matra Rancho, in vo qu in si artrouffe in peu dins ché modeles là

ainsi la boucle est bouclée, j a oublié d' vous dire que la Matra Rancho qu ale date aujourd hui de plus de 35 ans

ainsi ché carettes ché comme la mote , un eternel recomminch'ment

Si je peux me permettre. Il sagit du Docteur Line qui habitait rue A. France. Il avait comme voiture une MATRA BONNET couleur bleur, ensuite une MATRA 530 LX couleur jaune poussin, et ensuite MATRA SIMCA BAGHERRA jaune également. Son épouse possèdait une Renault FLORIDE ou CARAVELLE (même modèle) décapotable.
Concernant le garage Bondu il y a eu l'aliance avec CHRYSLER avant TALBOT. vec la CHRYSLER 180.
Tout une époque.

l' premier cop qu'esse sus monté dins eune carette chéto eune Panhard qui apparteno à Pierre V.. i resto rue d' l'Esplanade au 3.i nous avot conduit à Lens pour aller vire un mononque a m' mère qui éto malate. ej devo avoir 4 ou 5 ans malgré que j'in ai 47 d' plusse j'arvo toudis les imaches. pour mi chéto eune découverte.

merci d'mavoir prévenu minloute , j'pinsos vraimint qu'té parlos d'chiotte , et si t'avos pas précisé j'em demandrot cor quo qui faijot ech'toubib din chés vaters closets