la sixieme .

la sixieme chéto vraimint l année charniere, pour plein d' chosses
in cangeot d' cycle, in cangeot d école, in passo d' un seul maite polyvalent qui vous inseigno tout aussi bien l' sacre d' Charlemane en l an 800, que l accord du C O D , j' rappelle pour ceux qui avotent querre et' au fond près du radiateur que le C O D , chéto le complement d objet direct..... à eune plétore d' professeurs , qui eux i zinseignotent qu eune seule matiere

à croire qui devotent et' moins intelligents ou au moins plus limités qu' ché zinstituteux d' l école primaire

in cangeot d école, j' vous a dis, pi yavo un choc, in éto asteure in classe miste
j' va pas vous raconter qu in éto des dragueux fous, des don juan, nan , in éto cor tout tchiot à peine l' dizaine d ' années dépassée , ch' t année d' sixieme, chéto eune année d apprivois'mint d' ete à coté d' garnoules

d' ailleurs j' me souviens qu in éto cons, qu in allo pas s assire à coté d eune garnoule, nan, in resto "intre hommes" , ché files chéto des gnognotes, avec leurs cahiers bien t'nus , que les not' in auro dit in comparaison des cahiers d' brouillon
chéto l époque du qu in allo commincher à avoir des boutons d acné, des zémois plus ou moins controlés d' not' corps mais tout cha ché cor eune aut' histoire
en fait quand qu on réflechit, chéto surtout in premiere et in terminale, qu' ins ' batto presque pour et' à l' meme tape qu unetelle ...... mais comme ch' jardinier, in s' prenno plus souvint des ratiaux qu in in recolto les fruits ..............

l' sixieme chéto aussi pour mi, au CES Rostand , un artour en arriere au niveau discipline , j avo du aller avec m' mère au magasin des nouvelles galeries à bruay, à l étache, pour aller acater eune blouse bleue que d'sus i fallo coude sin nom ..... ché garchons in bleu et ché files in rose ....comme al' naissance mes gins

mais par conte chéto enfin eune plus grante variété d' fourniture d' classe
d' abord fallo s' plier à ché d'mantes des différents professeurs, chti chi i voulo des cahiers à spirale, l aute i voulo un tchiot classeur ,avec des feules trouées d' différentes couleurs, chti chi par conte i fallo acater un grand classeur à 4 crochets , pour d autes fallo des cahiers avec des proteges cahiers d' différentes couleurs

à part cha nouzotes in avo eune grante variété d' fourniture scolaire, fini pour nous d écrire au porte plume, d abord ché pupites i zétotent modernes, avec un cadre in ferale , cha nous cangeo du pupite tout in bo, et bonjour l' stylo bile comme moyen d écriture principal

mi j a jamais su écrire longtimps correctemint avec un style bile , et cor ach' momint là, yavo cor souvint des fuites d'encre dins ché trousses .... in tout cas mi chéto souvint l' cas "que brizaque " qu ale dijo m'mère ...

et on pouvait aller à l'école à vélo ..

mi quand su arrivé in sixième , yavo trop d'élèves et pas assez classes .i z'avote monté des baraquements pour agrandir l'école , bin j'peu vous dire que l'hiver fallo pas inl'vé sin manteau .