Nord et Loire

chéto un magasin, qui éto situé un haut d'el rue avant d'arriver au cercle dont malheureusemint j'ai oublié l'nom.peut ete que minloute ou quiquin d'aute s'in souvient. si mes souv'nirs sont à peut près bon.i éto à coté du café le Well Scot.i vindo d'tout des vélos, des juets etc.. j'ai la que j'allo acater des éléments pour min train électrique ou des rustines pour min vélo.i n'existe pus d'pis longtemps.i a du fermé i a eune quarantaine d'année.

l' rue qu' té do parler ché rue Lamendin, par conte ch' magasin Nord et Loire, j' me d' minte ché pas chti qui est devenu un magasin d' juets et gadgets
un magasin que té monte eune paire d' marches et quand t ouve l' porte , té comme dans un tout tchiot couloir avec ché vitrines d' chaque coté

j' croro bin qu' ché là mais té sait cha armonte à loin ch' t affaire asteure ...
j' cro bin que j viens d' passer la cinquantaine et que ché des souv'nirs que cha date d un temps que j avo 7 ou 8 ans .....

mais cha m a fait plaiji d' min souv'nir, pasque j' me souv'no pu qu' min vélo in l avo acaté dins ch'te rue là et que ché un vélo d' marque Nord et Loire .3..

chéto un vélo rouche , pourquoi rouche, pasque chéto l' couleur du vélo d ' Guy Maerte , qui habito un peu plus haut qu ché mi, pas loin del' boucherie d' Edouard, in face d' ché Bénoni , pour ceux qui l ont connu

chéto min premier vélo sans roulettes derriere, chéto min surtout min premier vélo neuf
j' me souviens que j' a été arquerre min père au bout del rue avec , tout fier, tel' mint fier que j a quéu avec in déchindant ché marches pour arriver sul' trottoir del rue leverrier ...

j in éto fier d' min vélo, jusqu au jour où j a été montré min vélo à Guy, Guy i m a toisé du haut d' sin vélo , y a ricané pi y a ardémarré tout in m' criant " eh ché un vélo d' file que t as"
patatra , tout y quéyo à terre, ché vrai que mi j avo eune barre nan pas horizontale su min vélo mais euen barre in travers qui parto d' un d' sous du guidon, non pas vers la selle , mais vers ch' pédalier .......

in rintrant al' mason, m' mère ale a vu que j 'tiro min nez, ale a essayé dem' dire que chéto un vélo miste, mais l' mal y étot fait, j avo pu qu à attinte eune paire d années pour récuperer un vélo d' course ................

et là aussi j allo déchanter, j allo faire un tour avec , et j' croise d autes camarates et j' montre min nouvieau vélo , j a pas dis un vélo neuf mais un vélo qui avo djà vécu mais qui avo été armis in état d' marche par mr Finet qui habito dins l' rue ......
j 'montre donc min nouviau vélo et là min camarate i ravisse eum' roue arriere, et i dit " y a pas d' dérailleur tin vélo".....
la poisse mes gins , la poisse

Si j'peux em m'permette.
Ch' magasin Nord et Loire y'éto bin situé al plache asteur d'el foullerie Tatoo. Y vindote aussi du materiel ed camping. J'su pas sur ed min coup mais j'cro bin qu'chéto aussi MANUFRANCE mais là j'su pas certain. Par conte in face ed Nord et Loire in ar'montant vers el cercle y'avo aussi un marchand ed vélos mais ch'sé pu sin non. sans oublier TOURNOIS un peu plus bas qui faijot peugeot.