el rue desseilligny

comme diso Erwin ale éto traversée par ech' boulvard Basly.allez comme vous etes sache ej vous inméne faire un tour dins ch' coron.
à droite i avo queques tiots pavillons un commerce si mes souv' nirs sont bons chéto eune droguerie,insuite des grantes masons comme dins l'rue d'Bône etc.. à gauche chéto les pavillons deux pièches in bas et deux champes mansardées in haut.in peut pus haut chéto ché bistrots dusse que ché mineurs d'el fosse 3 allotent boire un verre à l'armonte notamint à mo d'ech' Boule si ej m'in souvient ché parce qu'el sam'di i faisot bal ej i allo avec mes parints. chéto pas un grand bal i avo 3 musicos sur eune estrate i avo aussi un magasin d' souvenirs dont j'ai oublié l'nom.cor in café qui faisot l'coin d'el rue et la t'arrivo ale fosse 3.i avo eune barrière pour traverser et faire attention d'en pas s'faire écraser par ché trains qui sortotent d'el fosse.ché tiots pavillons à droite on tété rasés et reconstruits in pus moderne à gauche tout a été rasé.
avant que cha soit démoli i a un propriétaire qui a essayé d'armonter eune affaire chéto:"au caveau ché Crisse" j'i sus jamais rintré mais d'après s' qu'on m'a raconté ché tapes i z'étotent in forme d' couverque d' cercueul et ché clients mingeontent dins des crânes de squelette.i n'a pas durer longtemps.un indrot d'mauvais gout vu l' proximité du cimetière.
voila j'ai vous ai fait faire l' tour du coron.
juste eune dernière cosse ,el ligne d' quémint d' fer au début d'el fosse ale n'éto pas faite avec des chistes, chéto eune déquinte comme asteur.qui est dev'nu eune coulée verte.si j'el sait ché parce que j'ai connu l'garde barrière qui officiot such' boulvard Basly chéto monsieur Barbeau ancien mineur silicosé i resto à coté d'el mason qui penche celle qui est dins l' rinfoncemint qui a été longtemps abandonnée quand esse femme ale morte après li mais qui a été racatée et arnovée.

à bruay si té voulo voir des longs corons, t avo tout l' quartier du 6 rue de dakar, du cap vert, du sénégal, sans parler d' la mythique avenue qui meno au carreau du 6, l' avenue Augustin Flament, qui s' prolongeo cor par l avenue des fleurs

et aussi quand té monto au 3 , par l' rue d' la cavée et qu' té raviso in enfilade la rue desseilligny chelle lale ale éto très très longue , ale éto meme coupée à un momint par la rue Emile Basly

parallél'mint yavo au d'sus, accrochées sul' colline, la rue d alger, de constantine, d oran, de bone qui étotent plus courtes qu' l' rue desseiligny, mais qui étotent quand meme imposantes

ché corons ej l'ai bien connu j'ai habité 5 ans rue d'Bône au numéro 12.mes grands parints in face au numéro 3 dusse que ché gardins sont devant.j'i sus artourné i a deux ans vire m' n'ancienne mason ale éto inhabité. j'en va pas réécrire l'histoire ej l'ai mise sur l'site.