cor au quat' chemins
par minloute le, 08/03/2011yavo au coin ch' garache Plateroo si j' me trompe pas, garache et pompe à essence, pour mi chéto l' marque Fina que j' me souviens (chéto l époque que quand té faijo l' plein té collectionno des points et té pouvo acater un batio ou eune bouée gonflape Fina, au bout de x points)
asteure ché un centre d' lavache à carette, l éléphant bleu , j' cro bin
in face à l aute coin, in allant vers Marles, t avo ch' café Duplouich
chéto pour mi , j' supposse eune ancienne cinse ou un batimint d un ancien corps d' cinse
chéto eune mason basse, avec eune toiture qui suivo l' panne , et que l 'panne ale donno des signes d' fatigue
des tuiles such' tot que chéto des pannes flamantes , que cha voudro asteure eune fortune
té rintro d' dins ch' café, chéto bas d' plafond, t avo l' salle principale et dinch' fond eune tchiote salle du qui faijottent restaurant
mi j avo ker y aller in arvénant d' la piscine Iris, avec min camarate Marc, j' vous rassure in éto majeur, in buvo not' martini l' diminche in fin d' matinée, (d'toute fachon si in allo à grossemy, in allo boire un coup au café d' la paix )
ch' café Duplouich y a été abattu, cha a permis d' faciliter l' tournache d' ché carettes qui venotent d' Béthune et qui tournotent pour aller vers Marles
(j' do vous dire qu asteure ché gins i tournent directemint au grand carrefour d' la porte nord du qui a Cora et tous ché commerces)
par conte in face yavo un aut' café, j' cro qui y est pu non plus, j a jamais su l' nom et j y suis jamais rintré d' dins
Salut Minloute
J'ai vu tes photos. Pour info, si t'es 't plache devin l'magasin "picard", ou el station ed lavache, t'avos in face un garache "Peugeot".
Ch'ti qu'il téno, i s'applo Félix, ch'éto un grand ami à min père. Peut être t'es l'a connu ? Ché là qu'j'ai aquaté eme 1ere voiture, chéto eune 204, chéto en 1977, déjà....
Tch'ao
Ouais, mais bien avant ch'garach' Peugeot ch'étot l'garach' Plateroo (sans pompes à essence) qui par la suite est passé in face et à partir ed là i a eu un plus grand garach' avec des pompes et ch'est vrai qu'in faisot collection d'points Fina pou avoir un cadeau, ch'est là qu'min Père i faisot l'plein.
J'ai bien connu ch'Père Plateroo et s'femme dins chés deux garach' et insuite sin garchon qui a pris la suite.
A côté d'ech magasin Picard avant y'avot in pressing. In armontant vers el cente ed Bruay, y'avot un garache. Chéto el garache VERDIER. Cha été el premier d'in l'coin qui vindo des LADA et des TOYOTA. Juste après ech garache, in grand magasin COOP.
Mais j'ai un doute sur ch'magasin LEROY MERLIN. El premier chéto bin el "Stoc Américain" pi après à Noeux les Mines.
Concernant ché marchands ed bagnoles, à partir des années 1965 in a vu arriver des marchands sur Bruay. Y'avot donc VERDIER pour Toyota et Lada, THERSEN pour Austin-Morris (à côté d'ech pont à la Lawe) et pi SKODA et MOSWITCH sur el route nationale in face d'el route qui mène ach catieau d'Labussière. Sans oublier FIAT garache Cateau au 4 quémins.
( 3 photos)