questions sur d anciens jeux

toudis dins l bouquin de Mr Toursel, eune bible pour tout bruaysien, là ché page 295 , i nous décrit , entre autre, les programmes et les jeux qui pouvo y avoir al' ducasse

y a des jeux que j' sais pas commint cha ch' juot , et j' auro voulu savoir si y avo cor des gins qui savotent à quoi cha correspondo
j' me permet d' abord d' vous mette ci dessous le programme de la ducasse ayant eu lieu le dimanche 8 juillet 1894

in verra aussi que les jeux étotent bin différents des jeux que nous in a connu , chéto comme si chéto avant les fetes foraines

" Dimanche 8 juillet
Tirs à la cible derrière la ferme de Cyr Verbecq;
à la perche, à la carabine Flobert chez Sarrasin et Ch. Théret;
à la boule chez Valembois, caberetier au N°2; à l' arbalète à tarelare chez A. Quinet près de l'église, chez Bacq dit Paplot au n°3
Jeu de paume au tamis place Legentil et dans la pature Ricart
Jeu de paume à main chez Delaire route d' Houdain et au chemin de Pernes
Concours de pigeons voyageurs"

j' voulo savoir d abord si ché noms des établiss'mints (Valembois cabaretier au n°2 par exempe cha vous dijo quéquosse ?)
et pour ché jeux j' voulo savoir c' que chéto le jeu de paume au tamis
j a bin trouvé le jeu du tamis, deux équipes qui juotent sur eune plache, avec un filet ou eune corte au miyeu , et que le tamis serait eune espéce d' filet tendu incliné du que d'dins in linçot eune balle qui rebondisso et parto dans l' camp adverse , et fallo la rinvoyer à la paume dans l autre camp

aute question j' sais pas c' que ché l arbalete au tarelare

un tarelare j 'sais c' que ché , mais pour mi cha sero pas pour designer un gros derriere, pour mi j a vu que des tarelares chéto aussi des pieces d' monnaie dans les flandres, alors est c' qu in auro jué à viser des pieches avec eune arbalete ?

Si y a des personnes qui aurotent des souvenirs su ché jeux là, cha m interessero, merci d avinche

en ravisant d anciens documints, pour mi le jeu de paume au tamis, cha che juo avec des raquettes avec un filet au miyeu et un tamis du qu in invoyo l' balle pour qu ale arbondisse à l engag'mint dans le camp adverse
ché un jeu que j' me souviens avoir vu un reportache dans les années 80 et cha je juo cor en picardie

cha viendro d eune ancienne forme d' jeu, du que meme ché toits et ché murs des masons servotent comme aire de jeu

Min Père i m'racontot qu'i allot juer à l'paume à la main à Bethune à l'plache du jeu d'paume qui étot à côté d'l'hospice qui avot à Béthune dins l'temps. D'après s'qui m'a raconté ch'est un jeu qui s'juot à main nue, i fallot faire arbondir eun' balle et el lancer l'pus loin possipe avec l'paume de s'main. Ch'étot eun' équipe conte eun' aut'
I m'a jamais esspliqué chés règles ou alors j'm'in rappelle pon.