Les jardinsquing’mint d’ décor à Liévin
par kiki le, 30/03/2011Quing’mint d’ décor à Liévin
Bonjour tertous, avant aux pieds de chés terrils, y avot chés trains qui circulotent aveuc leurs cargaisons ed carbon, d’bos et bin d’auttes cosses et aussi mes gins, un intindot chiffler chés locos, achteur ché eune voie rapide qui y passe aveuc des miliers d’ bagnolles aux pieds d’ chés terrils du 11/19 ed Loos de la communaupole ed Lens-Liévin, j’ai un copain d’infance Didier que j’ai connu tout tiot, y est vénu d’Indre et Loire et à peine arrivé , y s’in va aveuc s’ femme faire eune balade d’ssus chés terrils jumeaux.
Un s’vot l’ lindemain et y m’ montre des photos qui a prises la bos, aprés avoir monté tout un haut d’ech terril, v’la ti pas qui m’fait vir eune photo prise vers Liévin, et aux pieds d’ ch’ terril des panneaux photovoltaiques, ché la grinte mode un ch’ momint.
j’avos bin vu d’puis m’ mason eune bande blanche à chés pieds d’terrils, ni eune ni deux, l’ l’indemain j' m’in vas vir ch’t’affaire.
L’ grante bande blanche que j’avos bin vue, chétot un terrain , aveuc d’l’craie bin travaillé, tout intouré, grillagé et bin protégé aveuc au centre une floppée de panneaux photovoltaiques et à côté eune nouvelle cité, qui eusses aussi y avote sur pan d’toit des panneaux, mais la j’vous f’rai par la suite eune aute série d’ clichés pour vous les faire vire.
Un intendant, j’vous fais partager quelques photos que j’ai prises avant hier, allez mes gins adé et à l’arvoyure.
kiki, Christian ed Liévin.
( 3 photos)
