après ché pots, ché tubes

alors chéto l époque du qu in auro pu acater del colle in tupe, d' la marque scotch

d' ailleurs y avo un écossais en dessin sul' tupe, yavo deux sortes d' colles scotch en tupe, vous dire à quo cha servo ou plutot c' qui les différencio j ' in s'ro incapape aujourd hui

mais j' me souviens que such' tupe té voyo un bout de kilt , i éto soit rouge , soit vert

alors in a eu l'drot par momint, ou avec certains maites d utiliser les tupes d' colle scotch

chéto d un maniement cor plus dangereux, car l' colle chéto vach'mint plus agressif qu' el colle in pot .....

zavez compris qu avec mi j a tout connu aussi ....

commint qu' vous pouvez comprinte qu' min compas i so sorti d' es' n étui, (à moins bin sur) que comme chéto la fin du cours d' géométrie ou du cours d'travaux manuels,( mes cours préférés) j auro ptete ringé que dis je infourné l' compas dins l' trousse et quel' pointe ale se s'ro plantée bin sur dins l' tupe d' colle et alors là chéto la catastrophe et bin sur cha pouvo et' lié à eune aute catastrophe , si in plus j avo mal arfermé l' couverque du taille crayon ......

alors là chéto comme dans l' western qui zappliquotent le goudron et les plumes, là chéto la colle et les "épluchures" d' taillaches d' crayon, sans compter ché crayons à canger, à racater, qu in éto pas les "rotechildes" , que j éto un brizaque
que m' trousse "chéto pas eune brouette" , min père i dijo cha quand qu in éto brizaque avec quéquosse

pourtant la colle scotch ale avo des avantaches, in s' in appliquo sul' piau, in metto un coup d' rouche d' sus et in pouvo s' créer d' fausses cicatrices ..parel fallot pas s' faire vire par ch' maite

aprés faut dire qu in avo ker l étaler sur l' dessus del piau del main, cha nous faijo des mains d' viux ...

aprés , discret'mint in l artiro avec les dints ,pour in faire des boulettes et in cracho cha dins l' classe su chti qu in avo pas ker

qu in éto mauvais quand qu in éto tchiot quand meme

après ché pots comme l'a écrit minloute cha été des tupes. chétot l'colle s' scotch nous in ap'lo cha d' l'arcolle tout. cha j'en sais pas si cha éxiste cor. (cha fait longtemps que j'ai quitté l'école)
ale avot ses avantaches et inconvénients l'avantache ché qu'ale étot super puissante on pouvot presque tout arcoller. l'inconvénient, ché qu'ale sintot très fort.
j va m'arrêter eune seconte pour malheureusemint dire qui i in n'a qui s'croyent pus malins que d'autes i s'amusotent à sniffer l'odeur. l'deuxième ché que si t'avos l'malheur d'el ringer dins t'trousse avec tin porte plumes et qu'ej tupe i crevot t'étot bien inmerdé nan seulemint pour l'odeur et té n'avot pus qu'à nétchier tes crayons et laver t' trousse ale l'iau caute avec du produit vaisselle.
té va m' dire té m'a l'air d'ete bien au courant nounours .
ben ouais cha m'est arrivé plusieurs cops qu'à min tour

El colle scotch telle qu'in l'a connue a été interdite à la vente y a queques années , intre autre pour chés problèmes d' "sniffage" .. qui devotent faire l'effet d'eune drogue

Par conte j'a caché el différence intre les tubes verts et les rouches , j'a rien treuvé là d'ssus, mais i m'sempe qu'à l'école in utilisot plutôt el tube rouche