ce jeudi 14 avril 18 h30 au cinéma les étoiles

au cinéma les étoiles , à bruay les berdoules, ché rue du périgord , pour ché anciens, ché l' voie pietonne qui zont fait du temps de Marcel Wacheux, bin ché au bout

eune séance espéciale ce jeudi 14 avril à 18h30, ché un film espéciale qui date d eune trentaine d années

in fait ché des "rushs" pris par des stagiaires réalisateurs dans l' bassin minier et surtout dans l' bruaysis

des rushs , j eule dit avant que Maurice i m ingueule cor, ché des séquences d' lieux de tournache ou des rincontes avec des personnes que ché réalisateurs i filment pour pouvoir faire eune ébauche d' leu film

un rush cha peut servir aussi à financer un flime in montrant des tchiots bouts d' fims tournés et qui peuvent décider un financier à met' d' l argent dans un court métrache ou un vrai premier flime

ché fameux bouts d' films ont été artrouvé du coté d' Marseile, et cha a donné l idée, eune fo eune ébauche d' film arconstituée, cha a donné l idée del présenter à ceux qui ont connu ch' t époque

trente ans ché hier et déjà si loin, certains pourront ptete s arvire à l écran, pour d autes che sera l occasion d ' arvire des lieux asteure abattus mais qu in a pas oublié

j' vous mets in d' sous, ou plutot rendons à César ce qui est à César ,j ' voulo dire ma secrétaire particuyere, Marie Claire , qui dans eune champe de bonne sous les toits à Paris dans l' 19 ème arrondis'mint, ale print ses ciseaux pi ale découpe ché zartiques et qu ale les zarcolle avec del colle in pot
ché pour cha que ché elle qui s in occupe, mi savez les pots d' colle, ché pas m' tasse d' thé

qu ale fait un traval formidape , à près d' 80 ans passés, et ale va vous publier cha

n' oublions pas au passache Sopraniste d' Bruay, un tout jeune homme , à peine 22ans, qui nous a aiguillé sur ce projet , et nous a invoyé l' artique d' journal