in route pour l' Colisée

Avril 1959, in est diminche, in va aller au cinéma, in va au Colisée mes gins
in part del mason, j allo préciser " à pied" , mais ché tel' mint évident ... nous ché tchiots , in a réussi tant bien qu' mal à pas trop salir ché bios zabits , in a dro à un frottache d' la figure, des mains et des g'noux juste avant d' partir

bien ouais, in va pas passer pour des malpropes quand meme ....

in déchind en vile, ouais , chéto l époque du que chéto quéquosse d' déchinte en vile, y avo là bo tous ché bios magasins, ché chausseurs, ché lunetiers, ché horlogers,la place du cercle etc etc

in vo nos parints s attarder devant eune paire d' vitrines pour raviser tranquil'mint c' qui a en étalache, mi j' donne la main, mais j' s'ro ptete en train d' tirer discret'mint m' mère cor pour li dire, verrez cha au r' tour , in va arriver en r'tard al' séance

mi j a tel'mint invie d y aller al' séance que dès que j' vo des familes qui déchintent aussi en ville, j' su sur qui vont aussi au cinéma, et que nous, à busier comme cha d'vant ché vitrines, quand qu in va arriver yaura plus d' plaches ........

cha yest in a passé d'vant chez Dambrine, l' librairie imprimerie, in va passer d'vant ch'marchand d' chaussures à mon Batta, mi j' pousse à la roue pour s' dépécher, j' vo djà tel' mint d' gins s engouffrer rue du Barbier ....

enfin la rue du Barbier, ché bien c' que j' pinso y a plein d' monte qui attint d'vant ch' cinéma, y a la queue such' trottoir

j' tiens à m'escuser , j avo oublié de vous dire que ch't histoire sur l'cinéma Le Colisée, ale m est arvénue, grace au dépliant ci joint , datant d' avril 1959

chés photos du dépliant nous ont aimablemint été invoyées par Daniel Poquet

Merci Daniel