Les jardinsl' jueu d' cartes
par nounours-94 le, 18/04/2011j'in ai connu un à Bruay i éto célibataire et un peu papillon blanc intre nous soit dit: s' mason ale étot bien intretenue. i juo au cartes tout seu. ej sais que cha peut prêter à rire mais i fallo bien qui s'tienne compagnie. mais ché tot un malin et filou i allo raviser l' jeu d'esse adversaire invisipe comme cha i étot sur d'gagner. comme i étot partageur et qui avo un tiot penchant pour l' Rubial, i s'verso un verre et un pour s' n'adversaire ej va dire virtuel. tout in allant i raviser sin ju i buvo sin verre, l'sien insuite.
y avo des sacrés cas à Bruay.
2 exempes in passant: piaux d'lapins piaux qui passo avec sin vélo dins ch'coron pour vinte ses piaux qui allot s'saouler à mo Georgette l'soir. quand ale fouto ale cour parce qui éto in guinse i l'insulto d'tous les noms in arpartant. des noms d'oiseaux j'in ai intindu
chuchette ech' ti qui sifflo toudis i mesuro pus d'un mette 80 i éto marié avec eune femme qui arrivo tout juste à s'talle quand in les véyot passer in disot: "ech' pot i a rincontré ch' couverque"
et ouais dins ch' temps la i avo d'l'ambiance pu comme asteur, fini l' temps quand les garnoules les soirs d'été s'asseyotent devant leurs masons , ché mineurs ajouqués à leur mur pour discuter.
asteur ché boulot, porte Nord et dodo, ech gardin i attindra!!!
Nounours y parle ed chuchette. Chéto pas in gars qui canto comme Tino Rossi. J'me rappele qu'y avot un homme, un pétit qui canto comme Tino Rossi. y véno d'in m'cité à mon d'un d'mes voisins. Y canto vramint bien in plus ed cha.
