va querre tin père suite
par minloute le, 18/04/2011chéto les reflexions d' min père, car y avouo que mononctaf chéto un champion d el manille
i parlo pas grinmint quand qui juo mononcoctaf, d' ailleurs meme dans la vie ..... faut dire qui avo fait s' carriere comme chef comptape aux usines d' briques d' Beugin ...
et qu in plus comme j' vous là djà raconté, matantemarie ale éto pas commote, et , au fil des zannées, i s' continto en fait comme riposte d' un "Marieeee,t'eum fatique" ...
c' qui impécho pas l' tantemarie d' continuer s' litanie d' es voie d' fausset .....
in juo pas sur n importe quo, chéto un rituel, un tapis vert d' carte qu à chaque coin y avo eune couleur d' jeu (trèfle, carreau, pic, trèfle)
sans parler dech' jeu d' carte que chéto loin d' ete un jeu d' carte publicitaire , savez ché jeux du qu in trouvo d'marqué souvint des marques d' apéritif comme Byrrh, Dubonnet ou Saint Raphael ....
d' ailleurs j a assisté un coup au cang'mint en miyeu d' partie d un jeu d' cartes ...ché arrivé comme cha, ch' jeu i devo pu plaire à mononque , i devo moins glicher comme i avo quer
alors y a d'mindé à min père d aller querre un jeu qui avo dinch' tiroir
acoutez, ché jeux d' cartes chéto respecté comme ché cigares pour ché finqueux d' barreaux d' cayelle ......
min père i donno ch' jeu à monnonque, i artiro ou plutot i ardonno à min père pour qui puisse li tirer l' tchiote languette rouche qui fermo ch' l emballache plastique .....
i prenno ch' jeu en main, faiso glicher ses dogts d' sul' dos du jeu , i artiro ché jokers , et i commincho un rituel ché vraimint l' mot, en coupant , arcoupant , arcoupant cor , d eune fachon, d eune aute , pi enfin, i présinto l' ju à min père en l' posant d' vant li et là min père i coupo ch' jeu in 2 et enfin l' partie ale pouvo arcommincher
zallez dire, j' vo Maurice d ichi , qui va dire, mais commint teut' souvient d' tout cha ti ?
min père i allo eune fo par semaine à mon d 'mononctaf, i habito près del rue anatole france, dans l impasse Toupy , ché pas loin du qui a asteure ch'traiteur Ducrocq
min père i y allo l' vendredi aprés midi pour juer à cartes, chéto le rituel
comme l' fait qu in arvenant , i nous ram'no des boulettes d' viante concoctées par matantemarie, et qui éto l' seul à minger al' mason
y a des coups , j' devo aller arquerre min père , ou si y éto par cor rintré, pasque eune partie qu ale éto comminchée fallo qu ale soit finie , surtout qu' zallez vire que si l' partie ale éto cor in route vers 17h30 , ale pouvo durer plus longtimps que d habitute
alors m' mère ale m invoyo, mi fidèle coursier, fidèle chevalier allant affronter ch' dragon, et ch' dragon chéto pas loin d pouvoir par momints personnifier matantemarie ...
j' avo pas ker y aller, mais y fallo, j espèro trouver min père sul' chemin du retour, ou au pire in train d' dire au r'voir ...
bin nan...j arrivo d' vant l' porte verte del mason, j' ch'sonno
au bout d un momint j intindo l' porte del cuisine s ouvrir tout au fond du couloir , fallo pas et' pressé , pi des pas des oantouffes , tout cha avec les zaboimints d' leu tchien, eune espéce d' gros loulou que j' m in méfio
l' tante ale arrivo al' porte, mais in l' voyo pas pasque l' portillon y éto très haut, mais in intindo s' voie d' crécelle à travers ch' bois "qu'est ce que c'est ?"..
j' vous jure que j' me s' ro cru comme blanche neiche qu ale est chez les 7 nains et que l' chorchelle ale est d' l aute coté pour nous donner eune pomme ...
"ché mi, minloute, ma tante" , ale ouvro l' porte in soufflant , comme si j' l immerdo , mais j' cro que tout l' monte i l immerdo, ou plutot tout c' qui veno canger sin quotidien cha l immerdo
j' rintro vite fait, fallo pas que ch'tien i pourro s' sauver, et j' devo suiffe l' tante in allant à sin pas, pas rassuré pasque j avo toudis derriere mi sin tchien , dints arlévées
am' mote aussi gentil que s' maitresse
j' rintro dins l' mason par l 'cuisine , et in déchindo eune paire d' marches pour accéder au salon