ché mots qui disparaissent

in intind d' plus en plus d' critiques, ou d 'propos plus nuancés su Dany Boon et sin flime , i parlero pas ch' bon patois et ché eune image réductrice du nord pas d' calais

que ch' patois utilisé , i est plus folklorique qu' aute cosse, ché vrai d' ailleurs , mais j' va pas juer les "puristes"

"j'entends bien" comme dirotent ché gins instructionnés, mais faut pas avoir la mémoire courte , et s' arvire y a chinq ans , etre "chti" chéto péjoratif, et que l imache del région pour ché gins qui étotent pas du coin, ché qu in in éto resté au temps de germinal .....


pourtant, faut avouer, que j' me posse des questions quand qu' à l avenir d' not' patois

j' pinse qu in parlera toudis patois, mais am' mote qui est d' moins en moins riche

d' abord pour que ché mots i so cor connu, faut qui so UTILISES...

ravisez dans quequ' zannées, in artiendra du parlache del mine que l' pain d alouette, l'briquet, l' porion , et ptete l' daine et encore ....

parel pour tous ché mots qui venotent del cinse, in conno tous l' glaine , mais ché vrai qui a fallu que j' ravisse les leçons d' patois d' Guy Dubois pour apprinte commint qu on dijo un dindon ........

parel pour ché mots du gardin, in a perdu aussi pas mal d expressions, et ché pas fini

aprés in sait que not' patois y est différent sur des distances assez courtes, j' me souviens que j avo lu à un momint des revues patoisantes de Mr Robert Mille comme "vints d'Artois" et y a des coups j avo bin du mau à l' lire tout simplemint pasque ch' patois i veno du coté d' Enquin, "pire" encore , si cha veno d' Boulone ....

mais y a meme des différences entre ch' patois d' valenciennes et chti d' lens, influence plus ou moins importante du rouchi wallon

alors j' vous dirais qu' asteure in trouffe pas mal d' dictionnaires patoisants qui arprennent ché mots d'patois, mais j' a quelques doutes pour les rimployer

ché dictionnaires ché par définition des collecteurs d' mots, alors té peux trouver ichi des définitions d' mots ou des sens d' mots, qui sont du plateau artésien, du coté d' Hesdin, mais qu in imployo pas ichi dins ch' bassin minier ........

j a été tenté y a un momint d' arprinte un mot par chi , un mot par là, mais j' a eu la crainte d arriver à écrire un charabia d' mélinches d' mots des différents coins du départemint et que jamais à l époque , in auro parlé comme cha au final

la peur d' faire comme la méthode Assimil en chti, j' sais pas si l avez lu, mais y a des momints teut' dit , chi y a quéqu un qui arriffe par ché nous et qui utilissent ché phrases là , i va passer pour un babache au miu, pour un moqueux d'gins au pire



j' me dis aussi que ché peut etre un combat d arriere garde, qu in peut faire tous ché dictionnaires du monte ....

in peut écrire tout c' qu in veut , eune langue ale resiste , ale survit que si ale est parlée et ché les gins eux memes qui l a font évoluer

savez y a l' meme reflexion par ichi dans le béarn , du que j habite y a des classes primaires bilingues, in y a mis not' file
la moitié des cours ché en français et l aute partie en occitan , mais voyez ché gins du coin, i mettent rar'mint leu zinfants dins ché classes là

i dissent que ché pas leu langue à eux, que ché "la langue d' toulouse" .....

mais faut dire aussi que l' patois d ichi, d eune vallée à l aute y a des tchiotes différences et dans eune meme vallée entre l' bas et le haut y a aussi des chosses pas pareles

Ché bien vrai ce qui dit MINLOUTE!! et encore heureux que des gens comme lui et tant d'autres comme Mr DUBOIS , comme les anciens (MAURICE DEVOS) et CHRISTIAN de LIEVIN continuent à employer le CH'TI, je ne parle pas du PATOIS!!!
Il est vrai (pour moi ,personnellement) que l'on ne parle pas le patois car c'est un vrai langage. On écrit comme on parle!!! mais ce n'est pas le patois employé par les poetes, les écrivains, les auteurs de pièces patoisantes. Non c'est du francais ecrasé!!! d'origine polonaise, j'ai commencé à parler francais en classe a 6 ans et le patois était très mal vu!!!
aussi c'est en commençant à travailler à la mine que j'ai commencé à parler le cht'i car c'était le language utilisé y compris par les ingénieurs!!! Cette langue est belle mais non universelle!! on parle différemment à Boulogne, Lille, St Omer ,Arras, Valenciennes pour ne citer que les racines dfférentes' du flamin, du picard
non le patois est une belle langue , malheureusement le brassage des gens a fait qu'on ne le maitrise plus; Allez en Alsace, en Bretagne et essayer de comprendre!!!! Ils sont fiers de leur langue mais il n'y as pas eu ce brassage de population des territoires à vocation industrielle comme chez nous
Un coup de chapeau bien mérité à ceux qui se dévouent à le parler et le diffuser!!!

j'voulos t'faire un spitch , mais Bernard y la fait pour mi , et j'pinse qu'ché vrai pour ech't'histoire ed' brassacche d'chés populations , pour mi être ch'ti cha n'a jamais été péjoratif , tous chés gins qu'j'ai connus dins pal mal ed' régions d'France m'arconnaichottent am' n'accent (y parait), mais tartous in général nous ont appréciés , pas passe qu'in etot meilleux mais tout simplemint passe qu'in etot comme eusses
mais comme té dis minloute ya grammint ed' patois ch'ti différent , prind seulemint Jean Marie Klavzer et (j'ai oublié sin nom) qu'yé dins l'colonne ed' droite d'ech'site chi , bin j'peux dire qu'ya des sacrées différences , et chés mots qu'j'ai oubliés mi aussi et qu'eux y s'imploit
pour arvénir ach'film , j't'assure qu'jaros préféré intinte et'naccent à ti (pas bieau) que ch'ti à Line Renaud , ou même à Boon pour el peut qu'j'ai vu d'ech'film
quand à s'écoles bilingues mi j'dis bravo , ché plus ecqu'très bien , em belle file qu'yé bretonne , al connot qu'in paire ed' mot d'breton , et cha ché dommache , bon j'arrête

escuse me Jacky , ya fallu qu'j'artourne in arrière pour artrouver tin nom , ché d'et'faute aussi , té pouvot pas t'appeller Maurice , ché si bieau et si facile à arténir