min pinrint
par nounours-94 le, 23/04/2011quand ej vous ai raconté l' saga d' mes mononques j'auro pus l'inclure mais quand ej su v'nu au monte i a voulu qu'ej sois sin filleul.
comme d'hab' asseyez vous et lisez.
comme tout l' monte chéto un mineur i travaillo au carbon au 3 i n' manquo jamais eune journée mais i avo un défaut chéto un amusette i faisot tout ché bistros d' Bruay, quand i allot à l'interremint i n' rintro pas à s' mason i allo travailler in costume. comme i avo pas d' téléphone ni cor moins d' portape i invoyo un copain prév'nr s' femme et in meme temps ram'ner sin briquet.
i est mort in 1975 silicosé 100/100.
bien que déconneur i avo peur d' la mort quand i rincontro ej croque mort l'aute pour l' faire inrager i sorto un mette pour faire semblant d' printe ses mesures.
j'en citerai pas sin nom par respect pour s' femme m' tante qui vit cor et ses infants ché à dire mes cousins et cousines. ej va juste dire que Poquet Daniel qu'ej salue au passache l'a bien connu, i allo juer aux cartes à sin bistro.
ps: un jour vers la fin d'esse vie i nous a montré s'qui crachot chéto ni plus, ni moins que du carbon ou du goudron.