cor su ché lampes d' poche
par minloute le, 24/04/2011ché piles ou plutot la pile utilisée pour ch' te type d' lampe d' poque, chéto eune pile plate
d' sur yavo 2 lamelles jaunes (chéto du laiton) qui dépassottent et qui étotent pas del meme longueur
quand qu in les acato yavo eune bande d' papier d' su ché lamelles , non pas pour protèger ché lames d' l air ambiant, mais surtout am' mote , pour empecher certains d utiliser ché piles , pi aprés d' les armette en circulation
chéto comme eune bande d' garantie si vous préférez ....
par conte faut avouer que ché piles rondes ou ché piles plates ale zavotent des défauts, à croire que ch' contenu i éto pas "stable " ...
souv'nez vous y a des coups in l' voyo d ailleurs si in laicho trop longtimps eune pile plate dans eune lampe d' poque, cha fuyot in bas
cha fuyot un liquite noir , qu in auro dit du goudron
ché piles rontes , elles ale paraissottent plus modernes, autant l' pile plate ale éto arcouverte d un papier carton fin , autant l' pile ronte ale éto arcouverte d' plastique
mais cha impécho pas l' pile ronte d' subir des déformations , y a des coups in auro dit que l' pile ale avo des "varices" ....
as' déformo , in devro plutot dire qu ale éto plus lisse
donc dins ché cas là, in tout cas chéto l' consine à l époque, fallo pas laisser trainer cha dans ché zapparels, et in metto directemint ché piles du qu in nous l' dijo, donc al' poubelle ....
cha cange d asteure du que té rinte dans tous ché magasins, que t as eune boite pour récupérer toutes ché piles
faut dire qui fallo faire quéquosse aussi, j' me souviens que j avo eu l' meme année par mes parints un J 7 peugeot téléguidée et par ma matante eune ford Taunus téléguidée .....
(croyez pas que chéto des juets avec eune manette du que d' sur yavo eune antenne) , nan l' camionette ou l' ford taunus ale éto reliée par un gros fil électrique à un boitier que té teno dint ' main
bin j' me souviens qui n in fallo des piles, sans compter avec ché transistors .......
drole d engins que ché piles, d ailleurs in avo tous fait l expérience d 'mette s' lanque en contact avec ché deux languettes in laiton del pile plate, cha faijo un guiliguili pas trop agréape .........
comme j' dijo avant, fallo met' l' pile al' poubelle quand que cha marcho pu, enfin normal'mint ...
pasque j' va vous expliquer un truc véridique, cha a été eune chosse qui m a fait envisager que ché paritns i savotent pas tout, et qui fallo faire s' n avis personnel aussi
quand qu in a 10 12 ans, in est curieux d'tout, et in avo tous des talents cachés d' chirurgien , j ' arviendrais taleure sur cha d ailleurs...
et bin sur , soit in allo récupérer l' pile jettée dins l' poubelle in appuyant discret'mint avec tin pied sul' couverque del poubelle qui s' levo ...
fallo faire autant attention quand que té l ardéchindo, pasque ché poubelles chéto des poubelles in métal , pas in plastique
ou alors , teut' proposo d' jeter l' pile al' poubelle, eune fo dins l' cuisine tel' metto dins t' poque, t appuyo fortemint avec tin pied sul' pédale del poubelle, té l artiro aussi vite, ch' couverque i s'rabatto avec un bon bruit d' férale, preufe audible que t avo soit dijant jeté l' pile
aprés t allo dins eune des baraques à tin père , du qui yavo un étau, té trouvo d' toute fachon des zoutils, et bin sur té t amuso à aller raviser quo qu ale avo dins l' vinte ch'te fameusse pile
et là té t apercevo que tes parints i zi connaissotent rin , et que ti t avo fait la découverte du ciel :
j' va vous la dire douch'mint pasque tout l' monte y est ptete pas cor au courant :
EUNE PILE PLATE BIN D DINS Y A DES PILES RONTES
ouais mes gins , et meme 3 si vous voulez l' savoir, et cha ché par l expérience que j' l avo découvert
alors quand que m' mère ale m' parlo après d' pile plate, j' avo invie d' li dire, acoute m'man , j' va t'révéler quéquosse ....
mais nan, pasque comme tous ché chirurgiens ou médecins, yavo l' secret professionnel ...
cha m arringeo d ailleurs pasque j' voulo pas révéler que j avo pratiqué à l éventration , au décorticache d eune lampe plate ......
aprés de chirurgien , j' deveno sériallequileur, ouais fallo effacer toutes ché traces d' intervention
bien sur jeter asteure l' pile décortiquée, cha chéto cor facile , suffiso del jeter discret'mint dans l' vieile lessiveusse qui servo d' poubelle et qui trono à l entrée du gardin
suffiso d' soul'ver un tchiot peu ché fanes d' légueumes et d' mette cha un d'sous
par conte aussi fallo djà busier à camucher sin adééne , et bien nettoyer les "armes du crime" , pasque j ' m éto fait avoir un coup ...
j avo ouvré l' pile , pi aprés j avo ringé ch' tournevis et l' pince comme cha , sans les nettoyer
et min père, inspecteur gadget i avo trouvé bizare que ché zoutils i so arcouverts comme d' goudron et y avo fait l' rapproch'mint et j ' m in éto pris eune bonne ch' jur là ...
ché vrai s'que dit minloute quand in metto s' lanque sur ché lamelles cha faisot drôle comme un cop d' jus. in faisot cha pour faire mumuse ou pour savoir si l'pile ale étot usée ou nan.
mi aussi j'ai démonté des piles chéto des Wonder cartonnées, l'imbalache rouche avec l'cercle blanc au milieu. j'ai jamais compris pourquoi eune pile plate avot des piles rontes à l'intérieur. cor asteur j'em'posse la question. ej comprind vite mais i m' faut du temps. ej cro quej va cacher incor longtemps!!
Pi y'a eu aussi d'in l'modernisme ché lampes boitiers plat comme Minloute mais avec un feu rouche à l'arrière d'ech boitier. y'avot l'bouton pour l'allumer pi un aute pour faire du morse. Chéto pratique quand t'ar véno el soir ed l'école. Cha permetto d'ête vu par ché voitures.
par Boxerman le, 25/04/2011Dites mes gins j'oublio. Qui ché qu'isse rappelle du "LUMIJET" de LECLANCHE. Chéto in 1969. Chéto in n'lampe à jéter quand el pile a l'éto usée. T'é pouvos pas canger el pile, al étot solidaire d'in l'tête avec l'ampoule incorporée. Cha a fait fureur, in aquato cha et insse préno pour des extra-terrestes car elle lumière faijo un rayon plus pétit qu'in lampe normale.