RC Lens Lorient, la tragi comédie

j a ravisé l' match d' foot entre le RC Lens et les Merlus de Lorient , cha a été eune tragi comédie

eune tragi comédie pasqu in y a passé par toutes les sensations : del' deception , à la joie, à l euphorie, à la deception, à l abat'mint .............................

tout comminche mal , but de Lorient , mais cha entame pas l' public lensois, in voyo des plans télé, d'familes intieres qui supportotent cor ch' clupe, alors qui éto mené à domicile, et que ché VRAIMINT pas l' momint d' perde un match

chti chi d' match faut pas l' perte, ché impossipe, alors in a connu la joie de l égalisation, pi l' euphorie du second but lensois tout cha in deux mineutes


2 buts coups sur coups, in avo pas connu cha à Lens depuis des lustres ..............

et là té voyo ché lorientais qui comminchotent à s enerver, l' match qui simblo plié pour eux, cha s artourno d un coup , sans crier gare .........

euphorie dins ché tribunes, ché drapios, ché zécharpes tout y éto pour supporter le RC Lens, tout un peuple , toute eune région derriere un clupe

pour donner un aspect cor plus épique, l' orache s a abattu sur Bollaert, ciel noir d encre, éclairs, coups d' tonnerre....
terrain gorgé d' iau, in avo peur d' un coup du sort contre l' RC LENS, in craigno que l arbite i arrete l' match ou alors que ché leumieres ale tompe in panne...........

comme chi l' clupe y allo cor connaite eune malédiction pour l impécher d' rimporter ch' match capital

in a eu drot à un combat d' gladiateurs sous un déluge d' iau, d' chutes et d' glissates ......mais le RC Lens i teno l' coup, in a meme cru qui teno l' bon bout

pi la fin cha a été pathétique , l' plus triste scénario qui pouvo exister , alors qui semblotent tenir l' resultat à 10 mineutes d' la fin, égalisation Lorientaise


et que dire du pénalty sifflé dans la foulée .... victoire finale du FC Lorient 3 à 2 contre le Racing ..

à la fin du match y a un jueu lensois qui éto interviewé, i éto abattu, tout cha , tous ché zéfforts , ché zespoirs là, pour rin .......

j' pinse qu à la limite y auro miu fallu perte 3 à zéro, un score sec et sans appel, que d' perde ainsi ...........

in voyo eune fos l' coup d' sifflet sifflé, différents gros plans qui ont été pris dins les tribunes, ché supporters i zétotent anéantis, abasourdis, complet'mint assomés par l' déroul' mint de chte match , en pleine détresse

au delà du résultat, l' football peut parfois provoquer des momints d' eune grande intensité dramatique

asteure tout n est pas cor mathématiqu'mint perdu, mais in vo pas commint qui vont s in sortir, tant qui a d' la vie y a de l espoir qu on dit

samedi prochain , aura lieu un match qui promet d' éte d' eune intensité tout aussi électrique, le RC Lens se déplace à Caen

et là , ché jueux sont au pied du mur, soit i gagnent, soit ché adieu à la ligue 1

ché fini pour le RC Lens, i z'ont perdu conte Lorient. i sont bon pour l'ligue 2 que tristesse. ché toute eune région qui brait.