Les jardinsétage 851 U P 6 septembre 1979
par minloute le, 04/05/2011Début septembre 1979 a sonné le glas pour toute eune région, chronique d' eune mort annoncée, in savo que cha allo s' terminer comme cha, mais in espéro toudis un miraque....tout in sachant qui viendro pas ....
l' U P 6 d' Bruay Haillicourt i fermo ses portes à l ' exploitation, in allo pu sortir d' carbon par ichi in d'sous
eune équipe d' mineurs a été désignée pour faire ch' sale boulot, faire un traval d' charognard : démonter l' maximum d' matériel pour l' transférer dans d' autes unités , plus à l' est du bassin minier.... tout in sachant que cha sero qu eune question d' années .......
in démonto pour armonter dans des puits qu in savo , à court terme , qui zallotent freumé aussi ...
j' imagine leu sentimints à ché zéquipes chargés del récupération, démonter sin outil d' traval, y a pas pire , ché comme chi in s' mutilo soi meme
et j' terminerai étage 851 quand qui a fallu artirer la statue de Sainte Barbe qui éto plachée au fond .............
d'toute façon , direz qui y avo pu personne à protéger, ché un fait
ché aussi un signe qu in abandonne un indroit qu in s' éto accaparé ,pour el' rinte à la nature sauvache qu in avo essayé d' dompter durant 150 ans pour en extraire ch' carbon
depuis, la statue de Sainte Barbe a trouvé eune place factice au fond d' eune galerie reconstituée de l' écomusée de la mine de Bruay
