la fin des galeries second pisote

momint critique que quand min père i carquo l' carette, chéto un momint, j ' arprinds l' terme que j a imployée dans l' artique précédent, chéto un momint " electrique"

i commincho à carquer dins l' carette qu ale éto au bout du gardin et m' mère ale faijo avec li la navette, ché à dire qu ale devo à la fois faire des voyaches avec nous pour am'ner ché cartons, valisses etc et en meme temps finir ché derniers cartons

l' phrasse fatidique d' min père chéto "in na pu hein des cartons odette" .....

alors là zallez vire l' différence essentielle qui a inter nous ché zhommes, que ché nous que Dieu y a créé as' n imache, et qui a créé ensuite l' garnoule pasqu in s innuyo....

nous in diro bin i reste 1 ou 2 ou 3 cartons, mais ché précis, et m' mère ale répondo par exempe 3 mais suivi du "mot qui tue" ché à dire "environ" .............

in peut pas réponde cha à un pilote automobile, qui a la charge d' sin chargemint, mais qui aprés oubliez pas cha, alors que m'mère ale allo s assire dins l' carette aprés eune course éfreinée ,in poussant un long soupir ; autant l' tension ale déchindo pas pour min père qui allo nous conduire, à travers champs et collines , de Bruay à Merlimont , in passant par St Paul et Hesdin ...........

pourrotent aussi dire, mais avec eune 403 , in plus break , y auro d' quoi tout met' dins ch' coffre ...

malheureux, connaissotent pas l' formule "la nature a horreur du vide" , bin faites l' expérience, quand qu in a eune tchiote carette in a plein d' chosses à em'ner en vagances ....
bin chti qui a eune carette plus grante zallez dire bin li y aura pas d' problemes pour tout mette ....

bin nan, plus qu in a d' plache , plus in veut in mette ...... (i n' a meme qui ont acaté des campinecars, et d autes des caravanes)

faut dire aussi que l' chargemint d' min père i éto éclectique : autant yavo ché valisses pour nos loques, yavo aussi des chosses qu in avo pas en doube à Merlimont , alors m' mère ale am'no làbo s' cafetiere, eune cocotte mineute etc etc

mais min père i éto pas d' reste... i im'no aussi ses tchiots outils d' gardin, ché boutures qui avo préparées l' semaine avant, tout cha souvint dans des couverques d' emballage in polystyrene blanc

cha vous dit quéquosse ché zemballaches en polystyrene blanc ,que mi j adoro plucher ...aprés qui in avo partout dins l' cour et que cha faijo raler tant min père que m' mère ....

ouf cha y est , tout y est carqué, bin j' su mate, tout autant que si j' l avo fait, j' va n in printe chinq avant d' écrire la suite