la fin des galeries quatrieme pisote
par minloute le, 07/05/2011cha y est tout y est carquée, i reste pu qu à m'mère à freumer l' porte del mason, pi des' dépécher , pasque eune fos tout qui éto carqué, min père i éto pret à démarrer ....
ché à peine si ale devo pas sauter dins l' carette au passache .....
mi j' savo que chéto pas fini, pasque rapp'lez vous , j' vous a dit que ché femmes chéto toudis évasif pour dire ch' nompe d' colis, là l' carette ale éto carquée à mort,et vla ti pas qu in voyo m' mère arriver avec 3 sacs ..
alors mi j' plongeo dins min sieche , vu qu' min père i arpreno s' litanie "mais t avo dit qui avo pu rin, du que j' va met' cha ?, j a pu d' plache"
et m' mère ale avo l' phrasse désarmante, ale raviso un d' ses cabas et ale dijo " in peu pas laisser l' huile et l' vinaique"
alors in plus que chéto ché bouteles intamées qui fallo eune place espéciale, que ch' colis i devo rester bin droit
min père i ralo comme sébastien leube si y a un probleme sus' carette et que cha freine s' progression, d' ailleurs m' mère ale dijo quand qu in parto vraimint " té roule pas vite hein " ....
j' vous dijo plus haut qu in perdo jamais eune valisse d' eune galerie ....
cha n arrive jamais cha , nous ouais , in haut d' eune cote aprés Saint Pol, in a intindu querre quéquosse à l arriere, pi ché tendeurs i zont fait blingue blingue..
min père y a ravisé dins sin rétroviseur, et y nous a fait grace d' un "meeeeeeeeeeeeeeeeeeerrrrrtttttttttttttttttee" monumental, suivi d un "qu' est ce qui a Léonce ? " d' em' mère , prète à nous faire un arret cardiaque ...
yavo eune valisse qu ale s éto faite la malle, (ché bio cha eune valisse qui s' fait la malle ...j' su fier d' mi)
min père i freine, bon vous vous doutez qu eune peugeot 403 break cha freino pas en 2 s' gontes ...
après i s a garé sul' bord del route, et in a armonté avec li l' long del route, dins l herpe, pour arriver du qui avo eu "'l impact" ....
bon là y a pas eu besoin d' cacher après l' boite noire, in avo eu doubl'mint d' la chance , d abord y avo pas personne derriere qui a pris cha dins s' carette
et cor chti qui suivo i s éto arreté et yavo mis l' valisse et j' sais pu c' qui avo d' dins, i éto in train d' mette cha sul' coté del route ...
que aventure mes gins ..............