8 mai 1945 et après .......
par minloute le, 07/05/2011la date effective du 8 mai 1945 cha a été fété dins ché corons, mais moins que la libération d' la ville en septempe 1944
d' ailleurs quand que j in parlo à mes parints d' la fin d' la seconte guerre mondiale, chéto pas pour eux eune date si importante qu' cha
à chaque fos qu in in parlo im' dijotent qui avo fallu attinte 1948 1949 pour artrouver VRAIMINT l' moral et s' sintir viffe eune vie NORMALE et que cha fait quand meme long depuis septempe 1944
ché tickets restaurant avotent perduré après la guerre, faut dire qu inconsciemmint ché gins i pinsottent qu eune fo l' pays libéré, cha allo arpartir tout d' suite comme su des roulettes et qu in allo arvénir d un coup d' baguette magique dins les memes conditions qu avant guerre
m' mère al' m' raconto qu ale avo fait eune quémiche à min père dans eune toile d' matelas , qui s étotent fait voler du linche qui séquo sur un fil dins ch' gardin...
qui déposotent à la mairie d' Bruay si mes souv'nirs sont exacts, qui déposotent chaque jour un bouteillon pour l' distribution d' lait et qu un jour ch' bouteillon i avo disparu
et que aussi bin mes parints mariés en avril 1945 que mon mononque et matante mariés eux en septembre 1945, y avo fallu bat' l' campagne , ché l' terme exact, pour acater par chi du bure, du lait, des zoeufs , tout cha pour l' repas d' mariache
que ché cinsiers i vindotent pas cha au meilleu prix, in tout cas chéto l' meilleu pour eux
et cor que ché recherches cha s' faijo pas in carette mais à pied, et que pour l' mariache d' mamatante, mes parints y zavotent été à pied du coté d' Houdain vers La Comté pour acater ché provisions
j'vous armets in lien el carte et les tickets de rationnement (textile et chaussures) délivrée par la mairie de Grenay et ayant appartenue à min grand père maternel , in vot bien que les derniers achats sont de 1947
Une carte de rationnement
el 8 mai 1945 j'avo 10 ans, el libération ed Bruay je m'in souvient incore ech vo incore ché gins courir din el rue Raymond Deruy, qui devo incore s'appeller rue d'Anzin, pour aller su el route nationale ou ché camions d'américains et d'canadiens y défilottent
ché bisous y pleuvottent aprés cha été la fête tous les jours in danso partout, ach café vallée in bas del rue d'anzin y avo un accordeonneux qui faigeo danser tous les soirs, ché des souvenirs cha qui resteront toudis din l'téte
ché vrai qu' à Bruay chéto plus "enthousiasmant" la libération, m' mère ale m avo raconté aussi l' passache des troupes britanniques sul' rue Anatole France , qu ale avo imbrassé plein d' soldats et qu ale avo eu des chewing gum ......