RC Lens , cha sint l' paté

j ravisé hier ch' match d' foot entre Caen et Lens, faut dire que cha avo "bin" comminché , i prennent un but que ch' match y a 2 mineutes qui a débuté

et cor , si in peut appeler cha un but, un tripatouillache du gardien, et l'balle ale va au fond .....

grandeur et décadence, j' m a dit qu in allo s' in printe eune sacrée déculottée

ch' match cha a fini par un match , j allo dire nul, nan in va dire qui a eu égalité d' points , 1 à 1 ...

in a eu faut dire aussi tro occasions d' vant ch' gardien caennais, tro occasions inmanquapes et que bin sur in a manqué ....................

que dire que cha sint l' paté ,que comme i dissent ché jueux quand qui sont interrogés à la fin que ché "mathématiqu'mint" pas perdu ...........enfin quand té vo ch' class'mint, faudro pas un mais toute eune série d' miracles pour que l' Racing i reste in premiere division ...

in a bin sur eu ché caméras durant ch' match qui sont allés quere l' visache d'Leclercq , as' deminder si i comprint cor quéquosse à c' qui y arriffe, et pi Gervais Martel, qu in a l impression que toute la misère du monte ale li qué su ché zécalettes

in va pas faire ch' procès d' l un ou d' l aute, trop facile, pi j' sais qui n a qui vont s' déchainer dés que l'Racing i s' ra officiel'mint en deuxieme division ...

j' oublie pas que Gervais Martel i a soutenu ch' clupe durant tant d années, que j' espère qui s' ra pas débarqué comme un malprope , qu au pire cha soit avec les zhonneurs si y s in va ....

après mi j' su pas inquiet pour l' clupe pour les zannées qui arriffent
quand qu in vo l' nompe d' supporters lensois qui yavo en déplach'mint à Caen, et qui à l égalisation et pendant chinq mineutes in intindo qu eux dans le stade

quand que j' me souviens des visaches des supporters lors du dernier match à domicile, aprés l' résultat conte Lorient, rin que pour eux , le Racing i devra armonter vite fait dans l élite du foot français ......

j' me dis et j ' espère qui yaura des capitaux étrangers , meme si cha vient d Arabie, qui injecteront d' l 'argent dins l' clupe pour d' abord assainir ché finances, pi faire un recrut'mint d' joueux d' meilleu niveau

cha fait au total eune sacrée somme, mais quand qu in vo l' enthousiasme des supporters, l' enthousiasme d eune région quand que l' Racing i jue bien, quand qu in vo qui sont cor là quand que cha va mal , bin in mérite, ouais in mérite d 'ete un grand clupe

comme dit minloute cha sint l'paté.
dins un sens vaut miux qui déquintent cha permettro aux dirigeants d' faire l' ménache et d'inrconstruire l'clup meme si cha dot printe 3 ou 4 t'rans.
nous autes les 62 in est pas "racistes" in espère que Lille s'ra champion d'France et pourquoi pas l'doublé avec la coupe.
de toute façon personellemint, j'en peux pas et pas l'drot d'ete "raciste" em' garnoule ale est du 59!!
in tout cas si Lens déquind j'in conno un qui va braire in l'occurence un de mes bio frère.