min premier liffe d' aventures
par minloute le, 10/05/2011min premier liffe d' aventures que j a lu pendant longtimps, tout cha bin sur avec l approbation des parints, chéto l' Dictionnaire Larousse
Chéto un liffe magique que le Dictionnaire, y in avo souvint un dins ché masons, j' dis pas que chéto la derniere édition.
.....
j' diro meme que les éditions un peu anciennes avotent meme un charme désuet
j 'liso pas forchémint ché définitions , d' ailleurs chéto pas au départ c' qui m a fait avoir ker ch' liffe là ...
nan, chéto les imaches ou plutot les dessins en noir et blanc, qui étotent là pour illustrer à chaque page entre un et chinq mots
j avo ker aussi raviser l' pache d' chaque nouvelle lettre, car in trouvo in haut un ensembe d'arprésentations hétéroclites d'mots commincho par chte nouvelle lettre
j' prinds comme exempe la lettre E
et qu in voyo sul' meme dessin, un Eventail, une Equerre, des Echasses, une Eglise, un Eléphant, un Escrimeur, un Epouvantail, un Ecusson, un Etandart, une Epée , une Etoile, une Echelle et ...une Ecumoire ...
j'in passe et des meilleures ...
assemblache improbable d' objets et de personnes d' époques différentes , j avo oublié l' Ecureuil grimpé sur la lettre ...E
mais c' que j' préféro chéto les planches à thèmes
sur eune page complete, étotent dessinées un éventail , tiens cor la lettre E , un éventail des différentes armures, ou des différentes armes
les différentes armes , chéto m' planque préférée aprés chéto celle des automobiles ..
j a meme armarqué ch' matin que su la planche des armes ,j avo coché au feutre rouche c' que j avo ker, en fait presque tout d' ailleurs .......
mais l' Dictionnaire, chéto pas un liffe comme les zautes, in éto plus respecté qu' les zautes, in allo l' querre su l étagère en faisant bien attintion
comme si fallo in avoir plus grand soin qu'les zautes pasque d'dins y avo "LE SAVOIR"
j' terminerai in dijant que le dictionnaire y a accompagné aussi pas mal d intre vous, ché anciens, ceux qui ont pris des cours du soir, ceux qui ont voulu s instructionner , completer leu connaissances , eune fo l' journée d' traval terminée
j' pinse bin sur à mon mononque que j appelle Parrain, meme si ché pas mon parrain, qui , quand qui éto plus jone, pour compléter ses connaissances, arpento l' Dictionnaire dans tous les sens, tout cha aussi bin par curiosité que par un désir d's' enrichir personnel'mint
bin té vos j'em rappelle pas d'avoir vu un dico comme cha , el premier qu'j'ai eu ché quand j'ai été archu a min C E P , et j'etos un dico sans grammint d'imaches et y ma surtout servi pour faire mes mots croisés , tandis qu'ach'teur si ya un mot qui m'arvient pas j'vas vir el réponse al'fin d'ech' bouquin , ché min dico a mi
( 3 photos)