l' cornéd'bif
par minloute le, 21/05/2011nous ché comme cha qu in l appelo al' mason ,i n a qui l appelotent cha du sinche ou du boulibif ......
mais nous chéto cornéd'bif, faut dire que j' avo bin ravisé commint chéto écrit sul' boite , chéto pas écrit en français "corned beef"
j' va vous in apprinte eune belle, "corned beef" cha veut dire que ché du boeuf (beef) qui assaisonne d' grains (corn) d' sel pour la conservation ...
mi quand que j éto tchiot j' pinso que cha voulo dire "boeuf à cornes"
rigolez mes gins, rigolez, mais in avo pas tous un diplome d' inglais dins nous poques d' maronne
l' corned beef , cha a connu l' meme destin, j' diro meme pire encore que l' boite d' sardines
cha a été pendant longtimps un plat à part entière, pi , au cours des années , y est tombé en désuétute
faut dire aussi que si té connait pas cha, t a l impression eune fo l' boite ouverte que té t a trompé et que ché in fait eune boite d' Ronron ou de Canigou ....
cha aussi in passant ché des marques qui ont perdu d' leu "splendeur" , mais arvenons à ch' corned beef
ché un plat qui quand que j éto tchiot m' paraisso "exotique" , j' dis pas par là que j' me voyo sous ché cocotiers ou dins la jungue in train d' minger du boulibiff....
pour mi cha veno d' l aute coté d' l atlantique , d' nos amis américains, d' ailleurs parait que cha faijo partie des rations des giasses , savez ché soldats qui sont v'nus débarquer in normandie ........
faut dire que déjà quand qui zétotent venus en 1917 , zavotent déjà cha dins leu besaces...
drole d'aspect que l'corned beef, drole d' boite aussi, ni carrée, ni rectangulaire, et pourtant in arrivo à les incrinquer les eunes su les zautes pour les stocker
chéto d' ailleurs eune des boites d' conserffe qui trono dins ché casiers d' la "coopée"
faut dire aussi que l' boite éto caractéristique, d un bleu presque foncé, avec du rouche aussi, tandis qu au miyeu , in trouvo le dessin d' un boeuf un tchiot peu maso tout souriant
bin ouais , i sourio comme pour nous dire "v'nez m acater,v'nez m' minger, ravissez comme j' su bio, donc j' va et' bon et pinsez à mi ...."
eune fo acaté , et avant del servir, yavo aussi eune opération chirugicale délicate, tout comme ché boites d' sardines ou d' maquereaux .....: chéto l' ouverture ...
au premier abord zallez m' dire , bin ché plus facile à ouvrer que ché boites d' sardines, cha peut pon couler ...
"certes" comme dirotent ché gins bin éducationnés, mais zavez vu l' grandeur del clé qu in devo utiliser pour ouvrir l' boite ?
l' clé pas plus lonque qu' 2 centimetes, ale éto collée sur ch' couverque del boite, cha cha allo cor assez bin pour l ardécoller d' là
après fallo soul' ver l' tchiote languette qui y avo au miyeu del boite, et l opération délicate consisto à incrinquer l' rainure del clé dins l' languette et d' tourner l' clé ...
cha permetto eune fo qu' t avo fait l' tour del boite , d' pouvoir ouvrer l' boite in deux par sin miyeu ...
opération délicate j' diso, presque opération du saint esprit, fallo avincher duch'mint avec l' tchiote clé , sinan té t artrouvo au miyeu d' l ouverture del boite, eut' clé arsortie du ruban d acier...
et ti, selon qu' t es optimisse ou pas, à moitié ouverte ou cor à moitié freumée ........
et là j' vous raconte pas quand que vous cassiez l' tchiote clé in tournant, et qui fallo récupérer l' contenu du corned beef ...
déjà que chéto pas trop ragoutant pour quéqu un qui in avo pas trop ker, bin quand que té devo récupérer chal' viante avec eune fourchette, y in sorto del bouillie cor moins ragoutante ......
mi j' do avouer que ché un plat que j a cor bin ker, zavez vu j' su pas compliqué , alors j' va vous dire m' n arcette, ale est toute simpe mais ché du bon
quand que j' dis arcette ,j'devro dire préparation ,pasque y a rin d' extraordinaire , mais ché cha qui fait son charme
donc t' ouve l' boite d' corned beef, t as prié, pi t as réussi à l'ouvrer sans incidents ...
té mets ch' contenu del boite dans eune assiette creusse, té mets d' l huile , pi du vinaique, pi des capres, pi des morciaux d' oignons blanc
pour l instant rin d' compliqué
d in aute' coté vous avez fait des frites, vous mettez ché morciaux d' corneed beef dins vote assiette, pi aprés vous mettez ché frites bien cautes d' sur
bin ch' corneed beef i s' récauffe un tchiot peu au contact des frites, ché un délice
bin voyez mes gins , mi cha m' suffit à faire min bonheur
ps j' va vous mette in piece jointe eune photo del clé à sardines que j avo pas mis dans un des sujets précédents
quand in on casso l'clé i avo pus qu'à printe ech' l'ouvre boîte pas électrique cha n'existo pas in cor, mais eune espèce d' pinche avec eune roulette et eune tiote manivelle qui fallo tourner.
l' pus simpe chéto d'ouvrir l' boîte par l'c..et mette l' contenu dins eune assiette à l'aite d'eune fourquette.
ne l' dite à personne, j'adore cha.
ej compte sur vot' discrétion.
vous allez m' dire nounours intre tin pilchard et l' boulibif té monsieur conserfe nan! j'ai la chance d'avoir eune garnoule qui fait très bien la cuisine. ché normal chéto sin ancien métier.
bin figure te qu'du sinche , comme in appelot cha a l'armée , bin j'in minche cor ed' tins in tins , em'femme al mélanche cha avec des macaronis et j'em régale , elle al in minche pas
j'savos qu'chétot du boeuf mais j'savos pas qu'cha voulot dire boeuf au sel
in dit aussi qu'ché fait avec tout s'qui est pas mingé din ch'boeuf
Bien le bonjour a tous. Je suis comme Mr DEVOS. C'est pas de temps en temps mais une fois par semaine!! mon épouse prend du corned beuf (la marque véritable!!! BEEDFORD) et après ouverture, on coupe des tranches, environ cinq sur une boite
et c'est poélé avec un oignon et on le verse sur les pates (toujours des plates) et on fait bonne chére, par contre j'ai repris des maquereaux dernièrement "pompom rou..." et j'ai été déçu. Allez bon app.
bin el clé al a été mise in second temps , mi, j'ai connu aussi ché boites qui fallot ouvrir avec el clé à sardines..
ej rigole d'ech boeuf un peu maso , ché vrai qu'iavot un sourire imbécile, enfin jamais comme ess soeur qui rit sur ché boites ed fromage ..
In tout cas avec des frites ,ouais, chétot un repas d'roi!
bin mi aussi j' su l' seul à in minger, d' ailleurs j a rin fait pour forcher m' file à gouter cha , ale a pas ker , tant miu pour z'zautes ...
in auro du met' "z' autes " au singulier, pasque y a qu' mi qui in minche, et comme faut pas gacher, j' minche tout l' contenu del boite en un r'pas
alors ché vrai qu au début j in mingeo que la moitié, mais savez , comme on vit des temps incertains, que la guerre ale pourro arriver d un instant à l aute, in sait jamais, alors j' arprinds l' viel adage " cor un qu' les boches i zauront pas" ..............
j' em' sacrifie savez, mais ch' fait la politique d' la terre brulée, rin laisser aux envahisseurs ...
ché presque un devoir national d' finir s' boite d' boulibif dés qu ale est intamée, et avec mi, cha fait pas 2 plis
quand que chtitalienne écrit que ch' boeuf i a un sourire imbécile, cha m'a fait pinser à s'femme sur les boîtes d'la "vache qui rit"
par Boxerman le, 22/05/2011Et j'viens ed lire vos reportaches sur ech Corneed beef. J'va vous donner m'recette. Mi j'in minche au matin à min pétit déjeuner avec un bol ed banania. Ché excellent.
Bin sur ech corned beef faut l'minger frod sur un tranque ed pain coupé et non caud.
j'ai essayé d'in minger in dessert. t'é coupe in n'tranche ed corneed beef assez fine et t'es mets d'el chantilly ed d'sus. Avec un café ché excellent.
T'é fait ché recettes là quand t'a des invités et j'peux d'juré qui t'in reste pour el soir. Ché gins sont vraimints difficiles ed nos jours..
bin j'comprinds qui dot tin rester l'soir boxerman , ché vrai qu'a première vue cha parait imvraisemblape , j'vas l'faire faire par m'femme un d'ces jours , et si jamais y in reste , t'inverrais cha un port du , bon appétit