l' diminche à la mer suite

au niveau del déchinte en béton qui permetto d' arjointe la plage, chéto un chassé croisé d' gins qui déchindotent qui croisotent d 'autes qui armontotent ...

fallo faire attintion avec ché piquets d' parasol qui dépassotent des sacs, et té pouvo cor d' faire éborgner....

sans parler des gins qui étotent déchindus avec leu tchiens sul' plache, meme si chéto interdit et qui fallo pas s' printe les gampes ed' dins la laisse (chéto souvint des caniches d ailleurs).......

bin sur y avo d' zappels du cente d' maites najeux, " in a artrouvé un tchiot garchon d' chinq ans, maillot rayé bleu et rouche, qui se prénomme André , ses parints sont priés des' présenter au poste d' secours " ..........

sans compter après ceux qui juotent al' raquette que l' balle ale finisso toudis dins les ortiaux d'un qui dormo ...

sans parler des gins qui faijotent des matchs d' volley et que l' ballo i attérisso à droite ou à gauche dins ché gins ...

aut' lieu du qu' cha piallo sec, chéto au niveau des deux centres pour jeunes, yavo le Stade Becquerelle, l' plus ancien, aux couleurs bleu et blanc, et l' plus récent, le clupe mickey , aux couleurs vert et blanc ...

là, dans un espace intouré par eune espèce d' cloture en corte, y avo plein d' jeux réservés à ché zinfants que ché parints i zavotent inscrit :

des balançoires, un mini parcours d' combattant, des poutres, et surtout , surtout, des trempolines ...tout cha sous la surveilance d'jones belles monitrices.........

nous in armontons assez tot, vers 17h30 , d ailleurs cha commincho aussi à s' vider un tchiot peu, yavo ceux qui habitotent loin et qui voulotent pas arpartir trop tard pour éviter ché ralentis'mints , ou plutot ché bouchons programmés :
le feu de merlimont village, Montreuil, Hesdin, sans parler d' Saint Pol sur Ternoise ........

chéto l heure du que ché mini clans i comminchottent à prévoir d' quitter la plage, cha necessito un "tchèque liste" d' compétition :
tout l' monte i devo s' canger, artirer sin maillot d' bain, tout cha à l abri des regards indiscrets , en s' tortillant sous eune grante serviette, pour canger de snipe ou de soutien gorche ...

après fallo aller rincher ché maillots, les mette dans un sac, veiller aussi à c' que tout l' monte i s' rhabille rapid'mint ...

j' parle pas del difficulté, d' armette des cauchettes su des pieds que d' su i reste des grains d' sape, ché mères cha va leur rappeler des souvenirs tout cha ...

sans oublier aussi, d' savoir qui qui armonte quoi, pasque si té faijo pas gaffe, i n a qui armontotent pas c' qui zavotent déchindu sul ' sape, alors t intindo l' mère crier " pierre arvient chi, té porto cha à l aller" ... j' vous en passe et des pas mures ....

aut' point de stress aussi in sortant d' la plache, chéto d arfaire la queue au niveau des ouatères , surtout pour ché femmes, pasque pour ché plus tchiots in les avo fait faire dins zin coin ou in armontant del bache ....

mais chéto pas fini, souv'nez vous qu ' à l aller zaviez promis d' minger eune gauffe en armontant, mais que là zavez vu qui yavo eune foule pas possipe d' parints qui avotent fait aussi l'meme promesse à leu zinfants et qui attindotent patiemmint leu tour............

après fallo tout arcarquer dins l' carette, yavo toudis des disputes, "arprint t' plache Michel, t éto entre tin frère et s'soeur" , "mais j' su malate quand que j' su au miyeu m'man" .........

cha y est tout éto carqué, ché zinfants tout énervés dins l' carette, et chéto enfin le signal du retour, arfaire ché 120 kilometes en espérant mette moins d' temps qu à l aller .....

tout en sachant qu in avo passé eune bonne journée ... au fil des ralentis'mints, des bouchons, des r"démaraches, in avincho lent'mint mais sur'mint ...

sul' banquette arriere, cha faijo un momint qui yavo pu d' son ni plus d imaches, tout l' monte i dormo l' bouque ouverte, l' tiete pleine d' reffes et d émotions vécues durant l' journée

à l avant , y a ch' mari qui s artourne vers s' femme du ginre, "ti s'soir té va passer al' castrole" ouais faut bin cha pour terminer l' soirée in apothéosse .....

mais ale li fait perde rapid'mint tous ses espoirs , vu qu ale li monte tous ché coups d' solel qu ale a su les bras et sul' nez, et qu ale supportero pas qu in l' touche .....

cha y est in a franchi St Pol, cha fait djà une heure et d'mie qu in est parti, cor heureux que cha devient djà plus fluite à partir d ichi , vu qui a pas mal d'gins qui partent directemint sur Arras

cor tro bons quarts d heures et in arriffe d'vant l' mason, y a cor du monte dehors, assis su ché caielles, tel' mint qui fait cor caud

que fierté d arriver dins ch' coron à ch t heure là, d' déchinte del carette in short pour monsieur, in robe pour madame et d' pouvoir exhiber leu bronzache del journée

ch' père i va meme aller serrer des mains, raconter ch' journée, l' mère quant à elle, ale comminche à réveiller ché plus grands, printe l' plus jone dins les bras, ouvrer l' mason et procéder au couchache del marmalle ..

ch' père i artourne alors al' carette et y comminche à tout vider, ché sacs, l' épuisette à crevettes, ché serviettes ..

cha y est in ferme l' carette, pi l' mason, demain va falloir s' lever tot, faudra arpartir au traval, mais au moins in a passé eune bonne journée à la mer ...

pas vous ?