a marché, a beaucoup marché ....le cimetiere
par minloute le, 28/05/2011drole d' titre zallez dire .....
chéto l' générique d eune émission qui avo lieu au matin su Fréquence Nord, j ' cro bin...
"a marché a beaucoup marché" cha reprenno un texte de Ramuz mis en musique par Stravinski , l intro de " l histoire du soldat"
chéto un peu "baroque" mais d intinte à la fin du morciau "a marché à beaucoup marché" d eune voix lancinante, cha m avo marqué
mais ché qu eune anecdote, ch' t émission qui avo lieu l' matin donc pour mi sur Fréquence Nord, ale parlo surtout des traditions et du passé d' la région nord pas de calais
et in y avo raconté eune histoire extraordinaire, vraie ou inventée ? soit disant vraie mais presque "trop belle" pour avoir eu lieu , in tout cas j' vous la raconte ....
cha ché passé dans la région, j 'sais pu si chéto pas du coté d' Beuvry, in tout cas chéto pas récent, les éven'mints i se s'rotent passés à la fin du moyen ache ...
imaginez ché masons basses , in torchis, au toit couvert d' pales ou d' chaume, et plus précisemint celle au coin del rue, rendez vous des buveux, des canteux ,del viante saoule...
bref,j' vous parle d' l estaminet ou plutot dinch' coin chi, le cabaret (mi j a un ancete qui avo comme profession "cabaretier censier" pour l anecdote) ..............
connaissez ché zhommes, eune fo qui zont bu plus que d' nature, ché souvint des ablayeux (des vantards) et i s' lancent des paris stupites .....
ché comme cha que ch' est venu, ch' plus ablayeux des ablayeux, grimpé sul' tape, chopine à la main, i cacho un défi qui pourro vraimint étonner ché zautes compagnons d' beuverie........
et ch est là que cha a germé ; l idée ale éto d' li au départ ? in l' saura jamais, mais tant est si bien, qu à un momint .............
d'vant la foule médusée, y a promis l impensape, que que j' dis, l' outrancier, l' inimaginape : braver Dieu
certains , en intindant sin pari, i zont pas d'mindé leu reste , comme si cha les avo déssoulé d un coup , y zont quitté à toute blinte l estaminet , faut pas juer avec ché chosses là ......
quo qui avo parié ch't homme là , que ché gins i l' ravisotent pas du meme eule tout d un coup ?
oh chéto pour li qu un défi facile à réaliser, i dijo qui craigno rin, qui avo peur de rin , et ché vrai qu avec quequ'chopines d' trop, i avo eune confiance en li exagérée....
i éto djà tard, cha faijo djà un momint que ché "zhonnetes gins " i zétotent couqués, meme ché plus accrochés al' bibine, i sintotent que chéto l' heure d' rintrer dins leu pénates , la nuit ale éto tombée d'puis un momint ...
ch'brave homme i avo simplemint parié qu in rintrant as'mason, i allo passer directemint par ch' cim'tiere, monter such' calvaire situé au miyeu des scépultures, ardéchinte et rintrer à s' mason
les plus hardis l ont accompagné jusqu à l intrée du cimetiere, tout in s' disant qui l arverotent demain au matin dans les camps ....