Les jardinsché l' ducasse à Bruay
par nounours-94 le, 28/05/2011tous les ans à l'occasion d'el fête des mères, ché ou chéto l'ducasse du boul'vard Basly.
tout au début, ale éto située in haut d'el rue d' Marles au fil des années ale queminchée à péricliter.
ché grâce Poquet Daniel qui ej va dire a arpris les cosses in main quand i a succédé à ses parints au café Terminus avec l'aite des commerçants.
ché la qu'ale a été déplachée such' boulv'vard.
ché ou chéto pas eune grante ducasse eune paires d' lot'ries, queques manèches pour infants, des attractions, concours d' cartes, concours à jeu d'boules
l'diminche i avot des sociétés qui v'notent défiler (sans l'savoir j'ai croisé s'qui allo ete l'futur madame R. 10 ans après.
ses frères étotent vénus défiler et ale éto v'nue les arjointe in taxi ach' momint la ale travailo au buffet d'la gare à Lens) et i avo ch'bal monté dins ch'camp avec orchestre et les bagarres qui vont avec.
que des soirées mes genses et que des guinsses aussi.
j'en sai pas si ale existe cor i a que Daniel qui pourra vous l'dire.
si ej peut m' permettre ej va adresser un tiot messache à Mado et à Daniel.
ej vous armercie à vous autes deux d' nous avoir fait passer des superbes momints dins la joie et la bonne humeur.
d'la part d'nounours qui pinse souvint à vous
