dins l' cuisine

zallez dire, cha y est minloute i va cor nous raconter eune arcette d infance, qui avo eu ker...

in va cor s' pourléquer les babines à l avinche .......

pas sur mes gins, pas sur ...

pasque j' va vous parler del' préparation d 'un plat qu in mingeo quéqu' fo l' diminche et qui necessito toute eune préparation ...
un plat qui comminche à et' moins courant à minger, j' veux parler d' la langue

savez la préparation d' la langue, ché comme pour les tripes, ou meme plus simplemint les saucisses .....

vaut miu pas trop savoir commint qu' ché fait

déjà quand qu in est tchiot, s' dire qu in va minger d'la langue d' eune vaque ................

j' me souveno que m'mère ale prenno l' langue, in auro dit presque eune pieuvre, faut dire qu' à vire chéto pas si ragoutant qu' cha, et qu ale la metto à tremper durant chinq heures dans un grand saladier in pyrex transparent, qu ale poso au d'sus dech' frigo

mi quand que j' raviso cha d un d'sous, in plus chéto déformé , agrandi , par l' pyrex, cha metto "in valeur" toute l'dessous del lanque, l' partie qu ale éto vraimint pas belle à vire

à raviser cha dins l'saladier, in auro dit , escusez me pour l' comparaison, mais comme ché bébés qu in vo, dins des bocaux d' formol, dins ché flimes d' horreur .....


aprés m' mère ale sorto l' lanque du saladier, fallo bin sur qu' j'reste à distance vu qu ale avo pas ker qu' j' so dins ses gampes dins ch't opération délicate ....

ale la poso dans un plat et là ale la rinçot et aprés ale la brosso ...

après ale la metto dans eune cocotte, pi ale la faijo blanchir eune dizaine d' mineutes

in l' armet ensuite dins l' cocotte, pi ché légueumes et in fait cuire

zallez dire ché déjà eune sacrée préparation et qu ' asteure y avo pu qu' a attinte ....bin nan ...

pasque eune fo que l'langue ale éto cuite , in l a metto dans un plat , et là m' mère ale artiro l' pio qui yvo d' sur et qui s' détacho cor facil'mint ...

chéto pas tout...fallo artirer les veines laterales , et enfin , enfin zallez dire in peut couper l' viante en tranches ...

et tout d'suite l' garder au caud eune fo coupée, pasque cha risque d' séquir rapid'mint

pour mi les meilleux morciaux, chéto l' pointe et les premières tranches qui venotent aprés............

d' ailleurs j' les d'mindo am'mère, pasque l'lanque eune fo coupée, m' mère ale la nappo d' sauce tomate et cha m avo valu un mauvais souv'nir ...

un coup j avo mingé un morciau d' langue et j avo pas vu qui resto un morciau , d' quo , pour mi comme eune veine, ah j avo pas eu ker cha .....

mais ché vrai que eune langue bien préparée, al' sauce tomate, si vous voulez, mi personel'mint j' préfère eune sauce ravigotte, savez eune vinaigrette avec des capres, des morciaux d' oeufs durs, pi échalottes, chéto super bon .....

asteure in in minche moins, faut dire qu asteure in a ker faire à minger rapid'mint, ou in tout cas in accepte te moins d' avoir autant d' préparations à réaliser avant qu' ENFIN in l' minche ....

et cor ...faut amadouer ché zinfants pour qui z in minchent

eux , si in les écouto , i préférotent du macdonalde ....

Mi j'avos in n'tante qui faijot d'el sauce mousseline avec el lanque. Chéto in n'sauce légère avec des cornichons.
In minjot cha avec des pétotes sous-marines (des pommes de terre à l'eau pour les puristes) j'min lèque cor mes babines.