Les jardinsquequ' zexpressions intindues dins ché corons
par minloute le, 07/06/2011"arprint un mete"
min père im' dijo cha quand qui m' voyo affalé sur m' cayelle .....
"t as pas oublié quequosse at' mason ?"
cha ché quand que j arrivo par exempe chez Noel ch' coiffeur et que j' oublio d' dire bonjour en rintrant
"t as mingé du canard ?"
ché quand que té marcho dins la rue et qu' té croso quéqu un mais qu' té gardo tes mains dans tes poques
"y avo l' fu at' barraque ?"
cha ch est arrivé à tout l' monte, in a tous un jur mis eune maronne du qui avo un feu d' plancher .....
"ravisse ichi l' dallache !"
là ché quand que chéto soit mal ringée, soit qui avo du brin dins l' tale .......
"y a du brin dins l' tale"
in auro pu dire que ch'cat y est dans l' horloche , ché quand que t intindo maouler d' derriere ch' mur ché les vigins ...faut dire aussi qui yavo qu eune brique d' séparation intre ché masons
"eune rute d'déchinte", "y a eune déchinte que j' voudro pas armonter "
cha ché pour ceux qui avotent l' verre leste .....
" ravisse commint qui est arnéqué"
cha ché quand qu in raviso commint ché gins i zétotent habillés
"bin ti té arringé" ...
cha in l' dijo d' quéqu un soit quand qui avo bu, mais plus souvint pour désigner quéqu un qu in trouvo un tchiot peu babache ...
à quoi chtilale i pouvo vous réponte ...
"vaut miu et' arringé, qu en réparation...."
