in face del maternité

j' passo toudis d' vant quand qu in allo en ville ,d' abord en donnant l' main à m' mère , pi plus tard tout seu, comme un grand ...

in face del maternité, mi j' a bin l' souv'nir d eune agence d' voyache, par conte j a pas l' souv'nir d' eune armure du moyen ache

mi j a l' souvenir d' eune maquette d' batio , un batio pour faire ché croisières et j a in tiete , des croisières Kuoni

chéto un drole d' nom Kuoni ...

pi avec le temps ch' batio y a comminché à blanquir, del poussiere a arrivé such' pont du batio, à croire qu' ché marins i zont comminchés à faire greve ......

pi avec les assauts du temps cha a comminché à arsembler plus au batio fantome qu à un fringant navire d' croisière

ché brochures dins l' vitrine ont comminché à jaunir, à blanquir ..............

après chéto un magasin pour ché tchiots zinfants, faut dire qu avec l' maternité in face, i devotent faire des affaires

j a l' vague souvenir que l' dame qu ale teno cha, pour mi ale avo des caveux courts, pi du rouche à leves et qu ale canto al' chorale d' l églisse

ensuite là ché plus compliqué vu que cha a bin cangé eune paire d' coups

j' me souviens qui a eu un photographe, ch' magasin i s' appelo "Ré" comme ch' dieu egyptien, chéto l' fils du commerce qui yavo juste à coté, pour mi déjà un magasin d'toubaque et d' journeaux

in liso sur ché panneaux à l'extérieur, les "drames" d'la vie qui touchotent régulier'mint les memes vedettes : alain delon, claude françois, mike brant, sheila et ringo ......

après ch' magasin d' toubaque qui faijo presse j' cro bin, là j'sais pu

j' sais qui a eu dernier'mint un fleuriste, et beaucoup plus ancien ,dans les années 80 un magasin de sports, mais vu que chéto pas en centre ville , cha a pas t'nu si longtemps

après parel j a des doutes, j' su pu si sur, j' cro que ch' grand batiment en bas qui faijo l' coin,j a un vague souvenir que chéto ptete là du qui avo l' rotary club, après cha a été des traiteurs qui s' sont succédés, et y a un momint que chéto un restaurant marocain , j' cro bin

si inn' a qui ont des précisions, j' su preneur

J'voudro apporter un n'pétite précision mais sous toute réserfe.
L'agence ed voyache chéto un nom polonais. Al est fermée depuis peu de temps.

Ch'magasin qui parle Minloute pour ché gosses j'pinse qu'y éto pas à la place de l'agence ed voyage mais à côté. Chéto un marchand ed linche. J'pinse que cha s'appelot DRAMET.
Elle femme al éto un peu typée genre asiatique. Y vindote du linche de bains et des affaires pour infants qu'in offrot in visite al maternité.

Pi juste in face y'avo el marchand d'artiques ed pêques ché "DIERS". Ch'magasin de sport et matériel ed camping à côté d'ech toubac chéto "ché Jacqueline sport". Si jamais j'me sus trompé qu'in m'corriche.

in face in peu plus bas y avo ech marchand réparateur ed vélos Perry

Le restaurant actuel en bas de la côte des Grands Bureaux, s'appelle Le MEDITERRANEEN.

Bien sur les gérants se sont succédés.. dans cette belle batisse, ancien logement de l'Ingénieur en Chef des mines de Bruay M. MOMPEURT

l' mason qui vindo des layettes , j'el voyo bin in d'sous d' l'agence d' voyache

par conte ché vrai que la dame qui teno l' magasin, j' savo pas si ale éto asiatique, mais ché vrai, sans aucune moquerie, ale avo l' teint bronzée et j' me souviens aussi en arvenant au momint qu ale canto al' chorale, qu ale avo eune vo très haute

et ché vrai que j' me souv'no pu du magasin d' péque qui yavo ,d' l aute coté del rue , ah la mémoire ........

Et pi juste à côté d'el maternité ed bruay, a gauche in ravisant l'intrée, y'a in n'pétite maison.
Asse situe in armontant el cote, al est voisine al maternité.

Ben là chéto l'bureau de "l'automobile-club de l'Ouest" J'méto inscrit ec cro qu'chéto 200 francs par an. In pouvo avoir des conseils pour tousse qui a rapport avec el voiture. In plus t'é pouvo y t'fajote é t'nitinéraire pour partir in vacances.