ch' paté d' lapin
par minloute le, 14/06/2011cha faijo un momint que j in avo pas fait, mais l' dernier coup j' avo été un tchiot peu déçu ...
autant i sinto bon, autant i paraisso presque fade à l intérieur
alors j'a bin tout noté tout c' qui allo pas et j' l a arfait hier
j a mis dins ch' fond del terrine qui va aller au four, del poitrine fumée, l' dernier coup j avo mis que del poitrine fraique
après j a poivré, pi j a mis du thym et du laurier
d' sus j a mis eune couche d' lapin que j avo découpé, bin sur que j a laissé les oches
j a mis un tchiot peu d ' ale d' sus , pi j a armis eune couche d' poitrine fumée , du thym et du laurier
pi cor eune couche d' lapin et pour finir eune couche d' poitrine fumée
j a versé au d' sus d' tout cha del gelée que j a fait cauffer
pi j a incrinqué tout cha au four pendant presque 2 heures
après j' la arsorti d' là in faijant attintion d' pas bruler mes dogts, chéto cor bin caud
cha a arfroidi toute el' nuit, et là parel, j' la incrinqué dins ch' frigo
i va y rester 2 voir 3 jours, et aprés j' vous dirai si chéto bon .....
( 4 photos)