quand la plaisanterie devient forme
par minloute le, 14/06/2011j' me d'minte si ché pas ch' tite là qui m' fait bouillir in plus..............
zallez vire sul' premiere photo, ché ecrit cha à l 'intrée d' eune des rues d' la cité des électriciens ...
double mauvais sentimint pour mi, au premier coup d' eule, j a cru arvire la froideur d' la devise qui yavo au dessus d' chaque intrée d' ché camps d' concentration "arbait macht frei" "la liberté par le travail"
avoir fait comme cha un porche in palettes et avoir marqué cha d' sus , que misère .....................
y a t il un pilote dans l avion ? que j a invie d' dire .......
autant in est , pour mi ,en train d' défigurer un endrot , que dis je , l' plus viele cité minière du pas de calais cor debout
eune cité qu ale date de 1861 .................
et là quo qu in in fait ? comme diro l 'aute , expliquez me " la cartographie mentale de la problèmatique que l on se pose "
ouais pasque ché pas pasque j' su originaire du pas d' calais que j' sais pas avoir un bio parlache, savez un bio parlache " d élite" , comme cha va et' quand qui vont inaugurer ch' t' affaire
j' vo d ichi ché gins invités al' reception s' pamoiser d'vant des charbonnieres accrochées su un mur , avec des gaillettes qui quettent ...
si si vous raviserez l' deuxième photo........
y a t il un pilote dans l avion ? Mi j a du mal à comprinte , y z in parle dans l' artique d' la voix du nord de Marlene Vitel , que chte cité ale est proposée pour et' classée au patrimoine de l Unesco
j' amercie au passage Bernard qui m' l a invoyé
alors pourquoi asteure l' défigurer , l' ridiculiser in mettant des caielles in haut des qu'minées, un promontoire réalisé in palettes .................
mi j' sais pas mais j' me d'minte si y a eu des controles d' canabisse quand ché "zartistes" i zont proposés cha .....
on parle bien qu in voudro in faire eune mason témoin, un tchiot musée pi à coté des logemints pour les artistes ...
ché sur qui faut trouver eune solution pasque sinan vu les dégradations qui y avo dans l' cité, ché sur qu in "occupant l'terrain" avec des "oeuvres" artistiques, cha va limiter le chapardage ...
en espèrant que l' traval des artistes i so incadrés et qui fassent tout et n importe quo
pasque pour mi, j intinds, fixer des caielles in haut des qu' minées, ché aussi eune sorte d' dégradation .........
alors ptete que j 'su viu jeu, possipe, ptete que j' vo pas "la quintescence du messache " comme diro l aute
j' me dis aussi , parel ché un avis personnel, que si ché pour faire un indro éclectique, type "cour des miracles" , j' vo pas l interet
pour mi in a la chance d avoir un potentiel formidape, toute eune cité, oh ale est pas grante savez , mais ale est un témoin essentiel d' not' passé minier
quo ché qu' cha vous ferotent si ché chevalets à Lewarde ou à St Amé, chtilale y est bio , si yavo un artiste qui v' no les pinte in rose ?
J' sais bin que malgré bien des conflits syndicaux envers les compagnies des mines, in a été quand meme bien dociles ...
combien d' entre vous i zont connu des gins d'leur intourache, ou d' leu famile qui ont bin souffert d' la silicosse et del dureté du traval que chéto ...
et là in est in train d' faire un indro artistique "bobo bourgeois"
pour mi au delà de tout cha , cha respecte pas ché mineurs
( 8 photos)