''Stop ou encore''
par Marie-Claire le, 14/06/2011L'Optalix à minloute cha m'rappelle à peu près les mêmes souvenirs d'acouter sin transistor dins s'champe
Et j'y arpinsos justemint ch'matin quand j'a lu que Evelyne Pagès qui a animé l'émission "Stop ou encore" étot décédée ch" week end
J'avos un tiot transistor dont je m'souviens pus del marque mais pour mes 19 ans j'avos eu c'qu'in appelot un radio cassette , cha ch'étot à l'époque le super cadeau , in acoutot et in pouvot in même temps inregistrer ses canteux et canchons préférées
Donc avec le "stop ou encore" chétot bien pratique passequ'in savot à l'avinche qui allot y avoir plusieurs canchons du même canteux
Ch'étot em première occupation du dimanche matin
Fallot quand même ete assez organisé pour inregistrer et in général in ratot les premières secondes del canchon et ale s'arrêtot quequefos avant la fin et in avot un peu el voix ed l'animateur à la fin
mais ch'étot pas grafe, chétot un vrai plaisir d'acouter et d'inregistrer
J'dos même vous avouer que j'a core TOUTES les cassettes que j'a inregistrées à l'époque , malheureus'mint jé n'sais pas c'qui est devenu el radio cassette
Et comme j'sus eune garnoule organisée ... j'notos même tout cha sur un tiot carnet , avec el numéro del cassette et sin type passequ'i y avot des 60 mn et des 90 mn, el face (passequ'in inregistrot sur les deux faces), el date, el canteux et l'canchon bien sur et el numéro du début et d'fin du compteur , passequ'y avot un tiot compteur sur el poste pour les cassettes
El carnet bien sur que j'l'a core aussi , j'inregistros pas que cha , passequ'avec el poste radio y avot un tiot micro pour inregistrer in famille par exempe
I m'arrife ed timps in temps d'in racouter, et d'intinde min père, em grand mère et d'autes personnes canter ou parler , ché un grand moment de nostalgie ...
J'vas vous mette eune copie d'eune page de ch' fameux carnet
min premier mini cassette ej l'ai acaté à carrefour el prob' ché quand voulo inregister nos diques such' l'électrophone (les chaînes hifi cha n'existot pas cor) cha qui n'avot pas d' prise direct j'éto obligé d' mette l' micro sur le hp mais si avo un bruit d' porte ou un quien qui aboyot dins l' rue chéto cafka in réacoutant l'inregistremint.
ché cassettes ou commint les réparer
rien à vire avec les cassettes d' magnétoscope qui d'ailleurs n'éxistent pus.qouique chela chétot un ju d'diape pour les réparer
chétot des bandes pour minis et radios cassette.i in avo d' 3 sortes d'durée: des 60,90 et 120 minutes.tout l'monte à connu cha à par les jones d'asteur.
l'prob' ché quand l'bande à s'intortillot dins l'apparel surtout les 120 l' pire quand on voulot l' décoincher ale cassot.si chéto eune cassette sans vis této blete ale éto bonne pour l'poubelle.par conte si chéto eune à dévisser comme les BASF,i suffisot d'el démonter précautiausenemint pour faire attention commint l'rmonter printe in morciiau de scotch coper les morcieaux un peu chiffonné d'el bande, coper l'collant ale dimension ,coller et armonter. ben sur i manquo in tiot bout d'el canchon.mais chéto pas bien grafe in étot pas éxigeant comme asteur et d'inch' temps la in n'j'etot rien.
j'avoue que d'ech'côté la j'éto pas manchot.comme Maire-Claire j'in ai incor malheureusemint j'ai pus l'apparel cha n'existe pus dins l' commerce et in in treufe meme pus dins les vide greniers.
un cop j'ai réparé l'bande du fond sonore qui éto diffusé dins le hall d' l'hôtel dusse qu'ej travaillo.
j'em su fait ingueuler par min patron parce i avo fait v'nir un dépanneux pour rien.
un miraque , té va m'deminder: nounours t'as vu la Vierge? nan d'toute façon si j'el rinconte un jour ale va m' mette des cops d' pieds dusse qu'ej pinse. tout simplemint quand j'ai commenté l' sujet de Marie-Claire sur "stop ou encore" j'avo écrit qu in n' trovo pus d' radio casettes meme dins les vide greniers.
hier m' copine Véro in faisant in débarras dins s'n'appart' ale m'a donné l'sien et soit dit in passant un ordi pour m'garnoule parce qu'ale a acaté un ordi un portape.
ej va m'égarer in tiot peu pour parler d' Véro ale n'est pas ch'ti mais ché t'eune femme formidape qui a eu granmint d'innuis d' santé mais qui sait s'accrocher, ché t'eune AMIE d' longue date, une personne sur qui on peut compter.,ché elle qui m' prête s'guitare basse quand j'in ai besoin.
ej i ai animé l'soirée d'ses 40 t'ans quand ale m'a demindé min prix ej i ai répondu : té veut 2 claques dins d' guiffe? ché mi qui s'in ai pris eune.
pour arvénir au radio cassettes hier j'ai arsoti m' valisse et in réacouter certaines cha fait tout drôle d' réintinte des morceaux oubliés. in est nostalgique. ou in i est pas!!
j'avo oublié cha i est bobone à s' met à l'informatique ale va créer sin blog parce qu'ale fait partie d'granmint d'associations et comme mi ale n'i conno rien ej souhaite bien du plaiji à min garchon. ché li qui m' fait office d'prof in la matière désormais i aura 2 élèfes.
( 1 photos)