ché pas l' tout faut l' gouter ch' paté

là, aprés la joie , des premiers sentimints, in s' dijant cha y est j a fait l' paté comme manman, y a l' doute qui arvient d un coup , comme un boumerangue ........

asteure faut l' gouter, et là , ché du sérieux, ch' plat là, in fait comme pour ché grands vins, faut un gouteux, et ch' gouteux cha a été mi...

mon diu mes gins, al' premiere bouchée, comme dins les flimes d' science friction, j a fait un bon dins ch' temps, téléportation Monsieur Spoke, j' me su arvu assis al' tape del cuisine rue anatole france, min père assis in face d' mi, m' mère in train d' distribuer ché morciaux ........

acoutez , commint vous décrire ch' gout.....chéto commint vous dire, comme quand que Zinédine Zidane i met ch' deuxieme but contre l' brésil in finale d' foot en 98............

asteure , grand mère ale rajoutte ché frites, des frites bin dorées, bin cautes ...................

mi j m' a servi eune bière bin fraiche ...

et là j' m a dis , "ché l extase" .................

acoutez , j a freumé m' gamelle tout l' temps que j avo pas vidé l' mienne (d' gamelle)

acoutez j in a arpris deux coups cor aprés

et là zallez dire chéto aussi bin ...... acoutez l' derniere fournée que j a mingé, yavo pu d' frites ...........................

alors j a mis l' salate avec ch' paté , et là "miracle en alabama" , l' salate a s a mélingée avec l' gelée .....

acoutez , cha a mérité eune deuxieme euh, nan , eune troisième biere ............................

aprés grand mère ale a fait eune faute d' gout, savez ché garnoules , ché pas des personnes fines, cor heureux qu in est là pour tout leur apprinte

j avo fini mes 3 gamelles d' paté, j' vous rappelle que chéto au soir tout cha , et vla ti pas qu ALE OSSE proposer un fromache et un yaourth après cha ....

MON DIU QUE MALHEUR ! j y a fais la morale durant eune bonne heure, avant qu ale comprenne quand que j y diso que j' voulo finir d' minger avec ch' gout du paté d' lapin dins m' bedaine ...

ouais m' bedaine, pasque 3 assiette d' paté, dont 2 avec des frites, cha tient au corps tout cha .........

après j a eu tout juste la forche d aller m' incrinquer dins ch' canapé, télécommande à coté d' mi.....

paraitrait meme , mais cha do et' des zondit , que j auro meme ronflé que chéto cor l' météo sur tf1.......

cor in belle histoire qui ma bin fait rire ,
par conte du qu'ech'rigole pu ché té nous a fait languir em femme et mi, alors cha j'trouf qu'ché un sacrilèche d'in malhonnêteté , inouie
pour résumer ché in manque ed' respecte invers nous deusse ed' pas nous avoir invité , un plus chés creucreul y m'ont fait baffiés , ché indigne ed' ti minloute