Belval

j a un vague souvenir d' avoir été à Belval

Belval ché au nord d' Saint Pol sur Ternoise (Saint Po comme y dissent en patois)

cor faut printe eune tchiote route intre 2 masons dins l' déchinte del cote

savez ch' te cote qui yavo tant d' bouchons .... que meme avant d arriver in bas, dins ch' te rue toute étroite y avo eune grante station essence , freumée asteure d' puis un bon paquet d' temps ....

j' me souviens qu in avo été à Belval pour aller acater du fromache à l' Abbaye

mi cha m intriguo , j éto cor bien tchiot , ptete dans les 6 ou 7 ans, mais min mononque i m avo parlé que dans zeune abbaye yavo des dames qui vivotent reclusses, in tchiot peu in dehors du temps, qu in pouvo pas visiter l intérieur d' ché batimints

par conte ale faijotent un fromache pour subvenir à leu besoins ..............

in y arrivant j' me souviens qu in avo un peu l impression d avoir quitté l' monte ou tout au moins l agitation d' Saint Pol, pourtant à moins d' chinq kilometes

j a artrouvé ch't ambiance là par la suite dans différints endrots du qui a souvint des abbayes ou des monastères, des coins un peu arpliés à l époque du monde, abrités au creux de vallon

in a donc été à l'entrée d' l abbaye et là j avo été étonné, ché qui fallo à l époque buquer à eune porte du qui yavo eune espece d' guichet

in fait nous in resto à l extérieur et l' soeur ale resto elle dins s' n abbaye

j a l' souv'nir d' vire en coup d' vint l' soeur qui éto chargée d' vinte ché fromaches, y a pas eu grante conversation, et eune fo qu in éto à peine apartie qu ale arfermo ch' guichet

mon mononque qui éto mi "chretien" mi "socialiste" et qui nous avo accompagné , y a pas manqué d' nous faire l' armarquer qu in avo été "expédié"

et y avo dit "bin chele lale ché pas soeur sourire" .......

bin des années plus tard , dans un restaurant à Azincourt, j a eu l occasion d' argoutter au fromage d'l abbaye d' Belval

j' devro dire aux fromages d' Belval pasqu y en avo plusieurs sortes

j' viens d aller raviser sul' site d' l abbaye d' Belval

bin, les soeurs d' l' abbaye vont quitter la région pour se regrouper dans la Marne , avec les soeurs de l abbaye d Igny (Marne) et aussi les soeurs de l' abbaye de la Grace Dieu (Franche comté)

am' mote ché la crisse des vocations ....

ou alors comme ché zentreprisses françaisses, ché l' début d' la délocalisation ..........