Moi Louis enfant de la mine

téléfilm sorti en 2007 et que j a arvu y a quequ' s'maines sur eune chaine cablée

j a eu ker l' raviser ch' flime là qui raconte l' catastrophe d' Courrières

bin seur nos zoreles ale zarconnaissotent parmi z'zacteurs ceux qui parlotent cor ch' patois, y a des accents, des intonations que cha trompe pas ..........

vindiousse quand qu in vo ché femmes d'mineurs attintent al'grille et acouter l'lisse des victmes cha print aux tripes...

tout comme quand qu in vo ché futurs "rescapés" disputer sous terre pour savoir si in va abatte ch' bidet pour avoir d' quo minger ..........

l' plus inrageant et l' acteur i le jue bin , ché quand qu in vo l' envers du décor, quand que l' directeur d' la mine y discute avec le représentant du conseil d administration....

in va freumer des puits d aérage quite à condamner des éventuels survivants

in va surtout s inquieter d' savoir quand que la mine ale pourra armarcher, face à la concurrence anglaise , profit oblige ...

et raler conte ché zouvriers qui voudrotent faire grève " quand je pense à ce que la Compagnie fait pour les ouvriers....logements , chauffage , médecins, ils ne pensent meme pas à ça"

mais pour mi, l' plus insidieux de cht' affaire , ché au détour d eune phrasse, l' inspecteur qui est chargée d' faire l enquete su les causes d'la catastrophe qui a fait plus de 1100 victimes, ale laisse comprinte au directeur d' la mine qui sera pas inquiété

tout cha par copinage, pasqu i zont fait tous les deux la meme école d' ingénieurs ..................

j' do vous avouer aussi que j' avo un peu "tiqué" quand j éto cor sur Paris , in allo vire, de l' extérieur , le musée Marmottan

j' m éto dis tiens j' va vire à quo cha arsempe, in sachant que cha a appartenue à Jules et Paul Marmottan

j' sais bin que tout traval mérite salaire, qu in cultive en france un rapport à l' argent, à la réussite à l' opposé c'qui peut s' vivre aux états unis , mais quand meme ....

si zavez l' occasion d' vire que l'extérieur du "pavillon de chasse" racaté par la famille Marmottan, té vo que cha a djà du couter eune fortune à l époque

j'avo tiqué pasque j voyo l' differentiel qui yavo à la fin du 19 ème siècle et début 20 ème , entre ché gins là et l' quotidien d' leux imployés mineurs ..............

ché sur qui zont investi d' leu propes deniers dans la construction d' Bruay, j' parle pas des corons du que là i zétotent à la fois producteur des briques et constructeur des masons, mais j' pense à pas mal d écoles, le stade parc en partie, la mairie aussi , sans parler d' la création et d' la subvention des harmonies , des clupes ou associations ............

qu' in s'ro à meme d' dire , que chéto bin l' minimum qui pouvotent faire, ou qui zont fait pour limiter au maximum les mouvements ouvriers