un bon point : la Lawe
par minloute le, 28/06/2011j a fait eune pause dins ché sujets su la promenate du gardin des souhaits bricolés, sans quo cha va trop vous mett' ch' moral in l air .........
pi après in va dire qu in fait que critiquer , ouais ché vrai in critique, mais critiquer , ché pas seul'mint in mal, in peut critiquer mais en bien
la preuve, la rivière La Lawe , celle qui traverse Bruay
acoutez ravisez ché photos, mi j avo jamais vu des plantes vertes pousser dins l' iau ...
mi j' min souviens cor bin , chéto au tout début des années 70, in avo été faire un repas chez Martinage, j' cro que cha s appelo comme cha, ou alors Martinache, j' sais pu
j' sais qu in dijo "Martinache" mais pasqu in l' dijo d' toute façon avec l accent d ichi
in avo été minger là bo chéto un niversaire d' mariache j' supposse, entre mononque Octaffe et ma matante Marie
j'sais pas si fallo parler d ailleurs " d années d' mariache" mi j auro plutot parler "d' années d ingueulate" , pasque chéto toudis l' cas, toudis à s' ingueuler ....
d' ailleurs que que matante Marie ale éto du meme avis qu' mononque Octaffe, li i tiquo, chéto pas normal, y avo inguile sous roche, coup fourré qui s' préparo ...............
pour vous dire que chéto au cours de chte repas là, que bin sur in canto "va t en laver tes gampes au robinet d' ma tante, avec du savon noir , té pourra les ravoir" .....
bref, nous in éto cor jones, min cousin 12 13 ans, et mi 9 10 ans
donc in éto parti faire un tour dehors , et in éto monté l' long d'la salle des fetes et in s éto artrouvé le long d' la lawe .............
mon diu que malheur ........t in voyo pas l' fond, cha mousso d' partout , à croire qui yauro pu avoir in amont , eune fuite dans eune eusine d' produit vaisselle .........
cha auro fait l' meme resultat
min cousin i dijo qui pouvo tuer des zépinoques in leu jettant des cailloux, mais fallo bin viser
y avo d ailleurs loupé sin coup, l' preuffe que j' m in souviens cor, ché qui avo gliché dins l' io, et qui yavo les chaussures et l' bas du pantalon tout fraique ...
i éto qué tout seu ...mais cha l avo pas impéché en rintrant ,d' dire que chéto mi qui l avo poussé à l io .....................
sans quo des épinoques pour les trouver, y auro fallu eune balisse argosse ou un radar, pasque l io ale éto tel'mint grisse que té voyo rin d' dins ........
si si , par momint té pouvo vire l' esquelette d' eune mobylette qui avo fini s'vie dins l' lit d' la Lawe, sans compter l' nompe de pneumatiques qui encombrotent le cours d' la riviere .....
in vo qui a eu un sacré éffort d' fait, et j a été agréablemint surpris par la clarté de l io et l' fait que ché plantes aquatiques ale zarpoussent avec in plus in bio vert
( 3 photos)